Inuussutissarsiorsinnaanermik annaasaqarnermut taarsiissutit
Inuussutissarsiorsinnaanermik annaasaqarneq qanoq paasisariaqarpa?
Inuussutissarsiorsinnaanermik annaasaqarneq tassaavoq sulisilluni ajoqusernikkut sulinikkut aningaasarsiorsinnaanerup killeqalernera.
Sulisilluni ajoqusernermi inatsit naapertorlugu ajoqusernerpit kingorna, inuussutissarsiorsinnaanerit annikinnerpaamik 15 %-imik annaasaqaatigisimagukku taarsiiffigineqarsinnaavutit.
Inuussutissarsiorsinnaanermik annaasaqarnermut taarsiissut tiguneqarsinnaaneri assigiinngillat:
- Ataasiartumik taarsiissutissat
- Qaammammut pisartaganngorlugit taarsiivigineqarneq
Inuussutissarsiorsinnaanermik annaasaqarnermut taarsiissutissaq, ajoqusernerpit nalaani aningaasarsiorsinnaanerit tunngavigalugu naatsorsorneqartarpoq.
Inuussutissarsiorsinnaanermik annaasaqarnermik naatsorsuinerup 50 % inorpagu taarsiissutissat ataasiartumik tunniunneqassapput.
Inuussutissarsiorsinnaanermik annaasaqarneq minnerpaamik 50 %-inut naatsorsuunneqarpat taarsiissutit qaammammut pisartaganngortinneqassapput.
Inuussutissarsiorsinnaanermik annaasaqarnermik naatsorsuinerup 50 % qaangersimappagu kissaatigigukkulu 50 %-ip tungaanut taarsiissutissat ataasiartumik tunniunneqarnissaat periarfissaraat. Ataatsikkut tunniussinermik taaneqartarpoq.
Qaammammut pisartakkappit ataatsikkut tunineqarsinnaanerannut pisinnaatitaaffiit atorunnaassaaq utoqqalinersiuteqalernissat ukiut marluinnanngorsimappata.
Inuussutissarsiorsinnaanermik annaasaqarneq qanoq naatsorsorneqartarpa?
Ajoqusernerpit kingorna suleqqilersimaguit, inuussutissarsiorsinnaanermik annaasaqarnerit isertitavit appariaataat tunngavigalugu naatsorsorsinnaavarput.
Sulileqqissimanngikkuilli siunissami sulinikkut isertitaqarnissamut periarfissatit inuussutissarsiorsinnaanermik annaasaqarnermi naatsorsuinitsinnut tunngaviussapput.
Ajoqusernerup nalaani ullup ilaannaa sulisarpit?
Ajoqusernerup nalaani ullup ilaannaa sulisarsimaguit, inuussutissarsiorsinnaanermik annaasaqarnermut taarsiissutaasinnaajumaartussanut sunniuteqarsinnaavoq.
Aalajangiivinneq imaluunniit aalajangiigallarneq
Inuussutissarsiorsinnaanermik annaasaqarnermi aalajangiinerit assigiinngitsut marluk aalajangiussaasinnaapput:
- Aalajangiivinneq
- Aalajangiigallarneq
Alajangiigallarsinnaavugut sulisillutit ajoqusernerpit sulinikkut aningaasarsiorsinnaaninnut qanoq sunniuteqarnissaa erseqqissumik paasisimangikkutsigu. Aalajangiigallarnermi suliap naliliivigeqqinnissaanut ulluliisarpugut. Nalileeqqinnermi qanoq inissisimanerit paasiniartarparput allannguuteqarsimappallu nutaamik aalajangiisarluta.
Aningaasarsiorsinnaanerpit inissisimanera qulakkeerutsigu aalajangivissaagut. Aalajangivissimagaluaruttaluunniit sulisillutit ajoqusernerpit kingorna inissisimanerit allannguuteqarpat, suliaq ilinnut tunngasoq suliareqqitassanngorteqqissinnaavat. Suliassanngortiteqqiinissaq uagutsinnut qinnutigissavat.
Inuussutissarsiorsinnaanermik annaasaqarnermi taartisiassat naatsorsukkit
Naatsorsueriaaserput atorlugu inuussutissarsiorsinnaanermik annaasaqarnermi taartisiassat naatsorsorsinnaavatit.