Ataavartumik ajoquteqalernermut ajunngitsorsineq

Sulisilluni ajoqusersinnaanermut isumannaarinermut inatsit tunngavigalugu sulisillutit ajoqusernerpit kingunerisaanik ataavartumik ajoquteqalernikkut ulluinnarni ippinniuutitit pillugit ajunngitsorsiassaqarsinnaavutit.

Taarsiivigitinniaruit ippinniuutitit ataavartuussapput. Anigorneqarsinnaasunik ippinniuuteqaruit taarsiiffigitissinnaanngilatit.

Ajunngitsorsiaqarnissamut makku piumasaqaataapput:

  1. Ajoqusernerit imaluunniit nappaateqalernerit sulisilluni ajoqusernerit pillugu inatsit naapertorlugu sulisilluni ajoqusernertut akuerineqarsimassaaq.
  2. Ajoqutigisaq nappaatigisarluunniit isummaminik nakorsarneqarnikkulluunniit aaqqissinnaanera ilimanarunnaarsimassaaq. Taamanna pisarpoq ullormit ajoquserfimmiit qaammatit 3-12-illu  qaangiunneranni. 
  3. Ataavartumik ajoqusersimassaatit (Ippinniuuteqarlutillu ajoqusernerullu kinguneramik ajornartorsiuteqassaatit) 
  4. Ajoqutigilikkanik naliliinermi naatsorsuutit naapertorlugit ajoquserneq minnerpaamik 5 procentiussaaq.

CFA-p ajoqusernerpit kinguneri naliliivigilerunigit nakorsamut immikkut ilisimasalimmut misissortissavaatit, taassumalu ajoqusernerup kingunerisaanik ajoqutigiualikkatit uppernarsassavai.  Nakorsamit uppernarsaat pissarsiarigaangatsigu nammineq nakorsatut siunnersortitsinnut ajoquserneq isummerfigitittarparput.

Ajoqusernerit annertussusaat ajoqutigiualikkanik naliliinermi tabeli imaluunniit ajoquserneq tabelimiinngippat missingersuinikkut aalajangiivigisarpagut.

Ukiut tamaasa nutaanik akinik ataavartumik ajoqutigiualikkanut ajunngitsorsiassanut tunngatillugu aalajangersaasoqartarpoq. 2024-mi ajoqutigiualikkat 100 %-imik nalilerneqarpata 1.013.500 koruuninik ajunngitsorsiaqartoqassaaq. Ima isumaqarpoq, ajunngitsorsiaqarsinnaanermut annikinnerpaaffisaaniikkuit tassalu 5 %-imik ajoquserneq nalilerneqarpat 50.675 koruuninik ajunngitsorsiassarsissaatit. [Akigititaasut pillugit iserfissaq]

40-nik ukioqalereerlutit sulillutit ajoqusersimaguit, tassa 39-it sinnerlugit ukioqarlernermiit taarsiissut ukiut tamaasa 1%-mik appartinneqartassaaq. 60-nik ukioqalersimaguit, tassa 59-it sinnerlugit ukioqalernermiit qaavatigut aamma 1%-mik ilangarneqassaaq.

Ajoqutigiualikkanut ajunngitsorsiassatit naatsorsukkit

Naatsorsueriaaserput atorlugu anigugassaanngitsumik ajoquteqalernermi ajunngitsorsiassat naatsorsorsinnaavatit. Ataavartumik ajoqutigilikkap aalajangersimasoq procentinngorlugu naatsorsorneqarnera takusinnaavattaaq.