Nakorsartinnermut, nakorsaatinut iluaqusersuutinut assigisaannullu aningaasartuutit

Sulisillini ajoqusernermi inatsit naapertorlugu makkununnga aningaasartuutinik akiliunneqarnissaq pisinnaatitaaffigaat:

  • Ajoqusernerup nakorsarneqarnera piginnaanngorsaqqinnerlu
  • Nakorsaatit
  • Kigutit ajoqusernerinut aningaasartuutit
  • Iluaqusersuutinut aningaasartuutit
     - sulisilluni ajoqusernertut akuerineqartoq tunngavigalugu pisariaqartilikkat soorlu timip ilaanut ajoqusertumut taarsiussat, isarussat assigisaalluunniit  
  • Siunissami nakorsartinnermut, nakorsaatinut, iluaqusersuutinut assigisaannullu aningaasartuutinut taarsiissutit

Suliap ingerlanneqarnerani aningaasartuutitit immikkoortinneqassapput.

Pisariaqartitsineq naapertorlugu nakorsartinnermut, nakorsaatinut, iluaqusersuutinut assigisaannullu aningaasartuutit sulisitsisuit sillimmasiisarfianit akilerneqassapput.

aamaammat akiligassat tamatigut sillimmasiisarfimmut nassiuttassavatit. Akiligassat tamatigut sillimmasiisarfimmut ingerlatseqqittartussaagatsigit, uatsinnut nassiuteqaassagaluarukkit tamanna akilerneqarnissaannut  kinguarsaataaginnassaaq.

Suliamik ingerlatsinitta nalaani sulisitsisuit sillimmasiisarfiata akiligassat allagartaat naapertorlugit akilertarpaat.

Nakorsartsinnermut ajoqusernerpit kingunerisaanut naapertuutinngitsumut akiliunneqarsinnaanngilatit.

Ajoqusernerup kingunerujussuagut nakorsartikkuit imal. arlaleriarlutit nakorsartittareersimaguit, nalinginnaasumik akiliunneqarsinnaassanngilatit.

Nakorsartittariaqarneq ajoqusernermik patsiseqarani allamik patsiseqarpat, sillimmasiisarfik aningaasartuutit ilaannaanik matussusiisaaq.

Nakorsartinnissaq iluaqusersuutisiniarnissarluunniit sioqqullugu sillimasiisarfiup akiliussisinnaanera paasiniaavigeqqaaraanni isumatusaarnerussaaq.

Illit sillimmasiisarfiullu akunnissinni suut sillimmasiisarfimmit akiligassaanersut isumaqatigiinngissutaappat, apeqqut uagut aalajangiivigisinnaavarput. Suliap uatsinnit aalajangiivigineqarnissaa kissaatigigukku, suliaq akiligassallu uatsinnut nassiuteqqullugit sillimmasiisarfik qinnuigissavat.