Qimagaasunut paasissutissat
Toqukkut qimaguttoq sulisilluni ajoqusernermi inatsit naapertorlugu sillimmasigaappat, toqqutaasorlu ajutoornertut sulinermilluunniit patsiseqartumik nappaatigilikkatut akuerineqarpat, qimagaasutut taarsiiffigineqarnissannut periarfissaqarputit.
Sulisilluni Ajoqusernerit pillugit Sullissiviup toqusoqarneranut uppernarsaammik imaluunniit toqusimasutut naatsorsuussaasoqarnerani eqqartuussutip assilinera atorlugit suliaq ingerlatissavaa.
Katissimasannit, inooqatinnit uppernarsaatitalimmilluunniit aapparisannit toqukkut qimagaaguit, ikaarsaariarnermi tunniuttakkanik pisinnaavutit.
Tamatuma saniatigut pilersuisumit annaasaqarnermut taarsiissutinik immaqa pisinnaassaatit.
Toqukkut qimaguttup meeqqat qimatai 18-iliinissamik tungaanut pilersuisumit annaasaqarnermut taarsiissutinik pisartagaqarsinnaatitaapput. Taarsiissutit taakku 21-liinissap tungaanut pisartagariinnarnissaannut qinnuteqartoqarsinnaavoq.
Sulisilluni ajoqusernermi inatsit naapertorlugu qimagaasut taarsiffigineqarnissamut makku pisinnaatitaaffigisinnaavaat:
- Ikaarsaariarnermi aningaasat tunniuttakkat - katissimasamit, inooqammit uppernarsaatitalimmilluunniit aapparisaminit toqukkut qimagaasoq aningaasanik ataasiartumik tunniunneqartussanik pisinnaatitaavoq.
- Katissimasamut/inooqatigisimasamut/uppernarsaatitalimmilluunniit aapparisimasamut taarsiissutit
- Toqukkut qimaguttup meeraanut allanullu taarsiissutit
- Qimagaasunut immikkut ittumik ajunngitsorsiassat - inuup allap piaaraluni iliuuseqarnera mianersuaalliorujussuarneraluunniit toqqutaappat, immikkut ataasiartumik tunniunneqartunik ajunngitsorsiaqarsinnaavutit
Sulisilluni ajoquserneq toqumik kinguneqarsimappat imaluunniit suliffigisami toqusoqarsimanerani nal. Ak. 48-t qaangiutsinnagit Sulisilluni Ajoqusernerit pillugit Sullissivimmut oqarasuaatikkut +299 58 64 74-imut sianerluni nalunaarutigineqassaaq.