Ajunngitsorsiassat naatsorsoruk

Arbejdsmarkedets Erhvervssikring-ip naatsorsueriaasia naapertorlugu ataavartumik ajoquteqalernermi ajunngitsorsiat naatsorsorsinnaavatit.

Naatsorsueriaaseq aes.dk -mi nassaarisinnaavat, qallunaatuinnarli allassimavoq.

Ajoqutigiualikkamut naatsorsueriaaseq - Ajoqutigiualigaq naneriarlugu ajunngitsorsiassap annertussusissaa naatsorsoruk

Ajoqutigiualikkamut naatsorsueriaaseq atorlugu ajoquserneq aalajangersimasoq naapertorlugu ataavartumik ajoquteqalernerup annertussusaa paasisinnaavat. Ataavartumik ajoquteqalernerup annertussusaa (Ajoqutigiualikkap procentia) naapertorlugu ajunngitsorsiassat annertussusai naatsorsorsinnaavatit.

Ajoqutigiualikkanik naliliinermi tabeli ataavartumillu ajoquteqalernermut ajunngitsorsiassat

Ajoqutigiualikkanik naliliinermi tabeli atornissaa kissaatigigukku retsinformation.dk -mi tabeli nassaarisinnaavat.

Ataavartumik ajoquteqalernerup annertussusaa (Ajoqutigiualikkap procentia) ilisimagukku ajunngitsorsiassat uani naatsorsorsinnaavat:

Maluginiaruk

Aes.dk-mi ataavartumik ajoquteqalernerup naatsorsorneri taamaallaat Kalaallit nunaanni ajoqusernernut 1. januar 2009 aallarnerfigalugu pisimasunut atuuppoq. Maluginiaruk ajoqutigiualikkamut naatsorsueriaaseq taammaallaat qallunaatut allassimammat.

Naatsorsuutit missingersuutaapput, aamma apeqqutaaneq ajorpoq siornatigut ataavartumik ajoquteqalersimanermi ajunngitsorsianik pisoqarsimanersoq.

Sulisilluni Ajoqusernerit pillugit Sullissiviup inuit ataasiakkaat naatsorsuinerisa inerneri akisussaaffiginngilai.

Ataavartumik ajoquteqalernermi ajunngitsorsiat pillugit paasisaqarnerorusukkuit Sulisilluni Ajoqusernerit pillugit Sullissivik attaveqarfigisinnaavat.