Sulisitsisuuit
Sulisitsisutut pisussaaffeqarputit sulisutit/inuttatit sulisillutik ajoqusersinnaanerannut sillimmasissallugit, sulisilluni ajoqusernerit nalunaarutigissallugit aammalu suliamut paasissutissanik tunniussinissamut.
Sulisoq sulisilluni ajoqusersinnaaneranut isumannaasssavat sulisilluni ajoqusersinnaaneranut sillimmaserneratigut. Inuussutissarsiornermi nappaatinut isumannaarinissat naammassissagukku, AES-mut ilanngunnermi akilertagaq akilissavat.
Qanoq sulisutit sulisilluni ajoqusersinnaanerannut sillimmasernermik isumannaarutissavigit?
AES-mut ilanngunnermi imatut akiliissaatit
Sulisilluni ajoqusernerni nalunaartussaatitaanerit
Sulisitsisumut sulisilluni ajoquserneq nalinginnaasumik imak ingerlasarpoq:
1. Sulisoq ajoquserpoq
Sulisilluni ajoquserneq marlunnik assigiinngitsunik isumaqarpoq – sulilsilluni ajutoorneq aammalu inuussutissarsiornermi nappaatigilikkat.
Ajutoornerit ajoqusernerupput tassanngaannaq aammalu ullut tallimat iluanni pinngortut. Assersuutitut sulisoq orluvoq aammalu niuni napillugu imaluunniit ullut pingasut ingerlaneranni oqimaatsunik kivitsisaqattaarnermi qitilulerluni.
Inuussutissarsiutigalugu nappaatit ajoqusernerupput sulinermiik sunnerneqarnermi piffissap sivisuup ingerlanerani pinngortartut. Assersuutigalugu tusilalernermi imaluunniit nungullarnerit peqqutigalugit ajoqusernerni.
2. Ajoquserneq nalunaarutigineqarpoq
Sulisitsisutut sulisilluni ajoquserneq nalunaarutigissavat sulinngitsoornermi ulloq siullermiik kingusinnerpaamik ullut 14-it qaangiutsinnagit, uani sulisilluni ajoqusernerup kinguneranik minnerpaamik ullormik ataatsimik nalinginnaasumik suliffiusussamiik sulinngitsoortoqarsimappat.
Sulisitsisutut sulisilluni ajoquserneq nalunaarutigissavat ajoqusernermiik ullut 14-it qaangiutsinnagit, uani naatsorsuutigisinnaagukku sulisilluni ajoquserneq inatsi malillugu ikiuutinik piumasaqartoqarnissaanik kinguneqassasoq.
Inatsisit sulisilluni ajoqusernernut tamanut, 01. januar 2026-miik kinguneranilu nalunaarutigineqartunut, atuupput.
Sulisilluni ajoqusernerit, Sulisilluni Ajoqusernerit pillugit Sullissivimmut, nalunaarutigissavatit. Sulisilluni ajoqusernerit digitalikkut nalunaarutigineqarsinnaapput, aammalu nittartagaq www.anmeld.gl aqqutigalugu toqqaannartumik Sullivinnik Nakkutilliisoqarfimmut aammalu Sulisilluni Ajoqusernerit pillgut Sullissivimmut nassiunneqartarlutik.
Aammattaaq nalunaarnissamut immersuiffissaq immersoriarlugu allakkatigut nassiunneqarsinnaavoq. Immersuiffissaq Sullivinnik Nakkutilliisoqarfimmut imaluunniit Sulisilluni Ajoqusernerit pillugit Sullissivimmut piniarneqarsinnaavoq. Aallerfissap sumiiffia immersugassami allassimavoq. Immersuiffissaq www.anmeld.gl aqqutigalugu anillatsinneqarsinnaavoq.
www.anmeld.gl iserfigiuk
Sulisitsisutut eqqumaffigissavat toqukkut qimagunnerit aammalu ajutoornerit sakkortuut Sulisilluni Ajoqusernerit pillugit Sullissiviup oqarasuaataanut +299 58 64 74-mut 48 tiimit qaangiutsinnagit nalunaarutigissagakkit.
Sulisitsisutit inuussutissarsiornermi nappaateqalernerit nalunaarutiginissaat pisussaaffiginngilatit.
Sulisillunili ajoqusernerit nalunaarutigisussaavatit, nalunaanngikkuit akiligassiinermik kinguneqarsinnaavoq.
3. Sulisilluni Ajoqusernerit pillugit Sullissiviup suliaq suliarivaa
Suliap suliarinerata nalaani sulisitsisutut suliamut ilanngunneqarsinnaavutit, pisut ilaanni paasissutissat uppernarsartinnissaat pisariaqartissinnaagatsigu. Assersuutigalugu nalunaarummi taakkartorneqartuni sulisuit suliani nalinginnaasumik suliarisarai.
Suliami suliaqarnitsinni sulisitsisutut apeqqutinik nassinneqaruit pisussaaffigivat akissallugit.
Sulisitsisutut suliami nalinginnaasumik peqataasuunngilatit, taamaammallu suliamik takunnissinnaatitaanak.
4. Sulisilluni Ajoqusernerit pillugit Sullissivik akuersissummik aalajangiivoq
Ajoqusertumut aalajangiinermik nassiussigutta sulisitsisutut aalajangiinerup ilaanik, uani ajoquserneq sulisilluni ajoqusernertut akuersissutigineqarnersoq, allakkatigut pissavat – tassa imaappoq ajoquserneq sulinerup nalaani imaluunniit sulinermi pissutsit iluannit pisimanersoq pillugu.
Sulisitsisutut pisinnaatitaaffigaat aalajangiinerup taannartaa maalaarutigissallugu.
Sulisitsisutut taarsiiffigitittoqarnissamut aalajangiinertaa pissanngilat aammalu taarsiiffigitittoqarnissaa maalaarutigisinnaanagu.
Sulisitsisutut nalorninartoq (aammalu taarsiiffiginninnissamut pisussaaffik) sulisilluni ajoqusersinnaanermut inatsi toqqammavigalugu sillimmasiisarfernut tunniuteqqinnikuuat. Taamaammat sillimmasiisarfik suliami peqataasuuvoq aammalu taarsiiffigitittoqarnissaanut tunngasumut maalaaruteqarsinnaalluni.