Ajoquserneq nalunaarutigigukku
Sulisilluni ajoqusernermut sillimmasiissarfivit taarsiissuteqarnissamut akisussaaffik tigussavaa
Sulisitsisutut sulisilluni ajoquserneq nalunaarutigigukku sulisilluni ajoqusernermut sillimmasiisarfivit ajoqusernermut aningaasartuutit isumagissavai.
Taamaasilluni suliap ingerlanneqarnissaanut taarsiissutaasinnaajumaartussanullu aningaasartuutit sillimmasiisarfivit akilissavai.
Ajoquserneq iliuutsimik/iliuuseqanngitsoornermik taarsiissuteqarnissamullu akisussaatitaanermik inatsit naapertorlugu akisussaatitaanermik kinguneqartumik patsiseqarpat, sulisilluni ajoqusernermut sillimmasiisarfiup sulisilluni ajoqusernermi inatsit naapertorlugu akiliutissat kisiisa akiligassarai.
Taarsiissussaatitaanermut akisuussaaffik pillugu inatsit naapertorlugu suli annertunerusumik taarsiiffigineqarsinnaaneq pisinnaatitaaffiuppat, ajoqusertup ajoqusiisumut piumasaqaatigisinnaavaa. Kalaallit Nunaanni Sulisilluni Ajoqusernermi inatsit tunngavigalugu §33, immikk. 2
Ajoqusernerup kingunerisaanik sullivimmi aningaasartuutit
Sulisitsisutut sulisup napparsimanermi nalaani akissarsiaasa nalingisa utertinnissaat pisinnaatitaaffigaat, taakku ullormusiat naleqqatigaat.
Sulisuit ajoqusernerata allanik saniatigut aningaasartuuteqaruit taakku sulisut ajoqusersinnaanerannut sillimmassiisarfimmiit taarsiiffgineqarsinnaanngillat.
Taarsiivigineqarsinnaanngitsut:
- Sulisumut ajoqusertumut taartaagallartussamik atorfinititsinermi aningaasartuutit
- Sulisut allat qaangiuttoortariaqalernerannut aningaasartuutit
- Ajoqusertup napparsimavimmi namminersortunit pigineqartumi nakorsartinneranut aningaasartuutit
- Eqqartuussissuserisumut suliakkiinermi aningaasartuutit
Sulisitsisutut pisussaaffitit pisinnaatitaaffitillu
Ajoqusertoqarnerani nalinginnaasumik sulisitsisutut suliami ilaatinneqannginnavit suliaq pillugu paasissutissat tamakkiisumik takusinnaanngilatit (suliami allagaatit takunnissinnaatitaanngilatit). Namminerli sullivinnut tunngasortaanik ilisimalersitaasinnaavutit.
Akuersilluta itigartitsillutaluunniit aalajangiinerput maalaarutigigukku suliareqqitassanngortinnerani illua tungiliuttuussaatit.
Paasissutissiinissamut pisussaaffik
Suliap paasiniaaviginerani peqataanissamut pisussaaffeqarputit. Suliamut tunngatillugu apeqqutit nassiussatta akinissaat pisussaaffigaat. Akinngikkuit akiliisitaasinnaavutit.
Maalaaruteqarsinnaaneq
Sulisitsisutut aalajangiineq pillugu ilumut sulisilluni ajoquserneq suliffimmut attuumassuteqarnersoq maalaarutigisinnaavat.
Nalinginnaasumik taarsiissutip annertussusaa maalaarutigisinnaanngilat.
Maalaaruteqarnerpit sillimmasiisarfimmut nalunaarutiginissaa pingaaruteqarpoq. Taamaasiornikkut maalaarutivit suliarinnginnerani sillimmasiisarfiup ajoqusertumut taarsiissuteqanngikkallarnissaa qulakkiissavat.
Sillimmasersimanngikkuit
Inatsisitigut piumasaqaataasumik ajoqusersinnaanermut sulisutit sillimasersimanngikkukkit, nammineq ajoqusertut taarsiiffigisussaassavatit.
Nammineq taarsiissuteqartussanngussaguit suliami illuatungiliuttuussaatit.
Illuatungiliuttutut suliamut tunngasunik ilisimalersitaasinnaavutit, aalajangiinerillu suliamut tunngassutillit tamaasa, sulisilluni ajoquserneruneranik, taarsiissutillu annertussusaanut apeqqutit ilanngullugit maalaarutigisinnaavatit.