Sillimmaserneq
Sulisitsisutut sulisuit sulisillutik ajoqusersinnaanerannut sillimmasernissaat pisussaaffigaat – sulisilluni ajutoornerit inuussutissarsiorsinnaanermilu nappaateqalernerit pillugit.
- Sulisoqaruit sulisilluni ajoqusersinnaaneranut sillimmasissavat
- Sulisut inuussutissarsiornerminni nappaatigilersinnaasaannut sillimaserniarlugit AES_bidrag-imut akiliissaatit [virk.dk -mut iserfissaq]
Namminersortuuguit angallatit 15 meterit inorlugu takissuseqarpat, piniartuuguit imaluunniit savaateqarfiuteqaruit, imminut sulisunnullu Ataatsimoortunut sillimmasiineq (Gruppeforsikringen) aqqutigalugu sillimmasiissaatit.
Ataatsimoortunut sillimmasiineq namminersortunut aamma neqeroorutaasinnaavoq soorlu:
- Angallammik 15 meterit inorlugit takissusilimmik piginnittuuguit suliffigalugulu
- Aalisarnermik-, piniarnermik-, assigisaannik savaateqarnermilluunniit inuussutissarsiuteqartunut.
Sillimmasersimanngikkuit
Inatsisitigut piumasaqaataasumik ajoqusersinnaanermut sulisutit sillimasersimanngikkukkit nammineq ajoqusertut taarsiiffigisussaassavatit.