Gruppeforsikring (Ataatsimoortunut sillimmasiineq)

Ataatsimoortunut sillimmasiineq ilinnut namminersorluni inuussutissarsiuteqartuusumut- imminut sulisunullu sillimmasiiniartumut naatsorsuussaavoq.

Illit:

  • Namminersortuuvutit
  • Angallammik pigisaqarputit imal. piginneqataavutit suliffigalugulu imal.
  • Angallatit 15-meterimik/49,21 fod takinerussanngilaq 
  • aalisarneq-, piniarneq-, taakku assigisaat-, savaateqarnerluunniit inuussutissarsiutigaat

Sillimmasiisarfimmut ilanngunneq

1/1 2011 aallarnerfigalugu sillimmasiisarfimmut toqqaannartumik ilaasortaajunnaarlutit, sillimmaserniaruit nammineq ilaasortanngornissat isumagissavat. Sulisuilli sillimmasiisarfimmut nalunaarutiginissaat pisussaaffigaat.

Akia 

1.800,-

Ataatsimoortunut sillimmasiineq

Ataatsimoortunut sillimmasiinikkut ajutoornerit inuussutissarsiornermullu atatillugu nappaateqalerneq sillimmaserneqartarput. Sulisitsisup ataatsimoortunut sillimmasiivimmut ilaasortap, sulisuni ataatsimoortunut sillimmasiinermi ilaareermata, immikkut sillimasernissaat isumaginagulu- suliffeqarnermi inuussutissarsiornermut atatillugu napparsimalernissamut sillimmasiisarfimmut nalunaaruteqassanngilaq. 

Ataatsimoortunut sillimmasiisarfimmut ilanngutissagaanni ukiumut tulliuttumut akiligassaq akilersimasariaqarpoq.

Maleruagassat naapertorlugit, sulisitsisoq ukiumut tulliuttumut sillimmasiinermi akiligassamik akiliisimanngitsoq, ajoqusernermini ataatsimoorussamik sillimmasiisarfimmiit taarsiiffigineqarsinnaanngilaq.

Sulisut pisarnertut sillimmasiisarfimmiit taarsiiffigitissinnaassapput.

Sulisitsisoq ataatsimoortunut sillimmasiisarfiup avataani sillimmasiisimanngippat, ataatsimoortunut sillimmasiisarfiup sulisitsisumit aningaasat utertinnissaat piumasaqaatigissavaa.

Sillimmasiineq nammineq piumassutsimik tunngaveqarpoq, sulisunik sillimasiinissamik piumasaqaammut- piumassuserlu naapertorlugu imminut sillimmasernissamut periarfissaalluni.