Sulisitsisutut pisussaaffitit
Nalunaarutiginninnissamut pisussaaffik
Sulisuit ilaat ajutoornermi ajoquserpat nalunaarutiginissaanut pisussaaffeqarputit.
Sulisilluni ajutoorneq tassaavoq inummi ajoquserneq, tassanngaannaq imaluunniit ullut tallimat iluanni, suliffimmi pisoqarneraniik imaluunniit sunnerneqarnermiik pisoq.
Toqqammaviusumik ajutoornerit tamaasa nalunaarutigissavatit. Naliginnaasumik sulisarnermiik ullumik ataatsimik sulinngitsoortoqarsimappat sulisilluni ajoquserneq, Sulisilluni Ajoqusernerit pillugit Sullissivimmut nalunaarutigissavat, kingusinnerpaamik ulloq suliartunngittoorfimmiik ullut 14-issaanni.
Ajoqusernerit annikitsut – assersuutigalugu tilluusarnerit – nalunaarutigineqassanngillat.
Sulisilluni ajoqusernerni sulinngitsoornermik kinguneqanngitsuni naatsorsuutigisinnaagukku inatsi toqqammavigalugu ikiuutinik piumasaqartoqarsinnaasoq, ajoquserneq nalunaarutigissavat ajoqusernermiik ullut 14-it qaangiutsinnagit.
Sulisuit ilaat inuussutissarsiutigalugu nappaateqalersimasinnaappat Sulisilluni Ajoqusernerit pillugit Sullissivimmut nalunaarutigisinnaavat, imaluunniit sulisut nakorsiaqqullugu tassuunakkullu nalunaarnissamut ikiortissarsioqqullugu. Illit nappaateqalernerni nalunaarnissamut pisussaaffeqanngilatit.
Sulisuit sulisillutik ajoqusersinnaanerannut sillimmasernissaannut pisussaaffik
Sulisoqaruit/inuttaqaruit sulisilluni ajoqusersinnaanermut sillimmasissavatit. Tamanna isumaqarpoq sulisutit sulisilluni ajoqusersinnaanermut aammalu inuussutissarsiutigalugu nappaatinut sillimmasissagitit.
Illit nammineq angerlarsimaffinni sulisoqaruit ukiumut 400 tiimit ataallugit sulisartumik, sulisilluni ajoqusersinnaaneranut sillimmasiinissamut pisussaaffeqanngilatit. Taamaakkaluartoq sulisut sulisilluni ajoquserpat nalunaarutiginissaanut suli pisussaaffeqarputit.
Suliaq pillugu paasissutissiinissamik pisussaaffik
Suliami paasissutissanik piniarnissatsinnut ikiuunnissamut pisussaaffeqarputit. Taamaaliunngikkuit akiliisinneqassaatit.
Apeqqutigut akissavatit aammalu paasissutissat piumasagut nassiussallugit.
Pisut ilaanni sulisilluni ajoqusernerni nalunaarutiginninnerit ajoqusertumiik tigusarpagut. Pisuni taakkunani piumaffigissavatsigit ajoquserneq nalunaarutigeqqullugu.
Isumaqaruit sulisilluni ajoqusertoqarsimanngitsoq tamassuminnga ilisimatissavatsigut. Ajoqusertoqarsimannginneranik isumaqaraluarlutit, sulisilluni ajoqusersinnaanermut sillimmaserfippit atiata tunniunnissaa pisussaaffigivat.
Akiligassiinerit
Sulisuit sulisillutik ajoqusersinnaanerannut sillimmasernissaannut, sulisilluni ajoqusernernut nalunaarnissat imaluunniit suliamut paasissutissiinissamut pisussaaffitit eqquutsinngikkukkit akiligassiinermik kinguneqassaaq.