Sulisitsisutut pisussaaffitit

Nalunaarutiginninnissamut pisussaaffik

Sulisuit ilaat ajutoornikkut ajoquserpat nalunaarutiginissaanut pisussaaffeqarputit.

Sulisilluni ajutoorneq tassaavoq, sulisilluni tassaanngaannaq pisoq imaluunniit ullut tallimat ingerlaneranni sunnerneqarnermik inuk ajoqusersimappat.

Ajutoornerit tamatigut nalunaaritigisassavatit. Sulisilluni Ajoqusernerit pillugit Sullissivimmut ajutoornerit ajoqusernermiit kingusinnerpaamik ullut qulingiluat qaangiutsinnagit nalunaarutigissavatit.  

Ajoqusernerilli annikitsut, soorlu tilluusarnerit – nalunaaritigineqassanngillat.

Ajoqusernerit ingerlaannaq nalunaarutigineqanngitsut, ajoqusertoq ajoqusernermi kingorna sapaatit akunnerisa tallimat qaangiunneranni pisarnermisut sulileqqissimanngippat nalunaarutigineqassapput. Taamaattoqarpat sapaatip akunnerisa tallimat qaangiunnerisa kingorna ullut qulingiluat qaangiutsinnagit nalunaarutigissavat.

Sulisuit ilaat sulinermik patsiseqartumik nappaateqalersorinarpat Arbejdsmarkedets Erhvervssygdomssikring-imut nalunaarutigisinnaavat imaluunniit pineqartoq nakorsiartillugu nalunaaruteqarnissamut ikiorsertissinnaavat. Illit nappaatip nalunaarutiginissaa pisussaaffiginngilat.

Sulisut sulisillutik ajoqusersinnaanerannut sillimasiinissamut pisussaaffik

Sulisoqaruit sulisilluni ajoqusersinnaanerannut sillimmasissavatit. Imaappoq, sulisutit ajutoornikkut ajoqusersinnaanermut sulinermik patsiseqartumik nappaateqalersinnaanermut sillimmasissavatit

Illit nammineq angerlarsimaffinni sulisoqaruit ukiumut nal.ak. 400-t inorlugit sulisumik sulisorisavit sillimmasernissaa pisussaaffiginngilat. Taamaakkaluartoq sulisilluni ajoquserpat nalunaarutiginissaa pisussaaffigaat.

Suliaq pillugu paasissutissiinissamut pisussaaffik

Suliaq pillugu paasissutissanik pissarsiniarnitsinni ikiuunnissamut pisussaaffeqarputit. Unioqqutitsineq akiliisitaanermik kinguneqassaaq.

Apeqqutigut akissavatit paasissutissallu piumasagut nassiullugit.

Ilaanni paasissutissat ajoqusertup nammineq nassiuttarpai. Taamaattoqartillugu illit aamma nalunaaruteqarnissat piumasarisarparput.

Illit isummat naapertorlugu ajutoortoqarsorinngikkukku tamanna uagutsinnut nalunaarutigissavat.  Ajutoortoqarsorinngikkaluarukkuluunniit sillimmasiisarfivit aqqa paasissutissiiffigisussaaffigititaavat.

Akiliisitaanerit

Sulisuit sulisillutik ajoqusersinnaanerannut sillimmasiinissamut pisussaaffiit eqquutsinngikkukku, ajutoornerit nalunaarutiginngikkukkit, paasissutissanilluunniit qinnutigisatsinnik tunioraanngikkuit akiliisitaassaatit.