Nalunaaruteqannginnermi akiliisitsineq
Illit nakorsatut kigutilerisutulluunniit sulinermik patsiseqartumik nappaateqalersimasinnaasoq nalunaarutiginngikkukku, Sulisilluni Ajoqusernerit pillugit Sullissiviup akiliisitsisutigisinnaavaa.
Ajoqusertup qimagaasulluunniit taarsiivigineqanngitsoorsimagaluarpataluunniit aamma nappaatigilersimasaq sulisilluni ajoqusernertut akuerineqarsimanngikkaluarpalluunniit CFA-p akiliisitsisutigisinnaavaa. Nalunaarutiginninnissamut pisussaatitaaffiup malittarisassai naapertorlugit pinaveersaartitsinermik tunngaveqarpoq.
Nalunaarutiginninnissamut pisussaatitaaffiup malittarisassaasa siunertarivaat ajuutit nalunaarutigineqartarnissaat, taamaasilluni ajuuteqalersimasoq taarsiivigineqarsinnaaniassammat aamma sulinermik patsiseqartumik nappaateqalernerup iluani ineriartortoqartuarpoq, soorlu suut naappaatit suliffimmit peqquteqarnersut pillugu.
Assersuusiaq nakorsap nalunaarutiginninnissaminut pisussaaffimminik unioqqutitsinera pillugu
Nakorsap ajoqusersimasoq misissorpaa nalunaarsuumminilu allallugu, pineqartup ukiorpassuarni nipiliorfiusumi sulisimanera tusaasaalu annikillisimanerat ataqatigiittut. Nakorsap ajoqusersimasoq tusillassimanera pillugu nakorsamut immikkut ilisimasalimmut innersuuppaa, AES-imulli nalunaarutiginagu.
Tamanna nalunaarutiginnittussaanermut malittarisassanut unioqqutitsineruvoq aammalu AES-i akiligassiisinnaavoq.
Inatsitit tunngaviusut
Nakorsaq kigutilerisorluunniit sulinermik patsiseqartunik nappaateqalersimaneq pillugu nalunaarutiginnissimanngippat, Nalunaarummi § 4 sullivimmi avatangiisit pillugit inatsimmi § 84 innersuussut naapertorlugu akiliisitaanikkut pineqaatissinneqarsinnaavoq.