Nakorsat kigutilerisullu nalunaaruteqarnissamut pisussaaffiat
Nakorsat kigutilerisullu sulinermik patsiseqartunik ajuutinik nalunaarutiginissaanut pisussaaffeqarput. Sulinermik patsiseqartumik nappaateqalersimanermik pasitsaassineq nakorsatut kigutilerisutulluunniit nalunaarutiginissaa pisussaaffigilereertarpaat.
Nappaatip ataavartuunissaa, sulinermik patsiseqartunik nappaatigilikkap allassimasuutaani ilaanissaa imaluunniit nappaat piumasaqaatit malillugit akuerisaasimanissaa eqquutsinneqarnissaa piumasaqaataanngillat.
Ajoqusertoq akuersissummik tunniussisimanngikkaluarpalluunniit nappaat nalunaarutigineqartassaaq. Ajoqusertup qaqugukkulluunnit Sulisilluni Ajoqusernerit pillugit Sullissivimmi suliaq suliarineqannginnissaa piumasarisinnaavaa.
Sulinermik patsiseqartumik nappaat nalunaarutigineqareersimappat nalunaarutiginissaa pisussaaffiginngilat.
Sulinermik patsiseqartunik nappaatigilikkat nalunaarutigiuartarnissaanut siunertat
- Ajoqusertup taarsiivigineqarnissaanut pisussaaffeqarnera
- Sulisilluni ajoqusernernut pitsaaliuineq
- Suut nappaatit sulinermik patsiseqartarnerannut tunngasunik ilisimasaqarfiginerulerniarneqarnera
CFA-p suut nappaatit sulisilluni ajoqusernerunersut aammalu ajoqusertup taarsiivigineqarnissaa naliliiffigisarpaat. CFA nalunaarummik tigusaqaraangamik suliffik nappaallu pillugit paasissutissanik piniartarpoq, taamaasilluni nappaat sulisilluni ajoqusernerunersoq nalilertarlugu.
Inatsisitigut tunngavigisat
Kalaallit Nunaanni sulisilluni ajoqusersinnaanermut isumannaarinermi § 35. immikk. 3 aamma §1 tunngavigalugit nakorsat kigutilerisullu nalunaaruteqarnissaannut pisuffaaffiat tunngavigineqarput.