Sulisilluni ajutoorneq suua?
Sulinilluni ajutoornerit tassaapput timikkut tarnikkulluunniit ajoqusernerit – ataavartuusinnaapput imaluunniit qaangiuteqqissinnaasut. Pisoqarnera imaluunniit sunnerneqarneq tassanngaannaq pisumeersinnaapput imaluunniit annerpaamik ullut tallimat ingerlaneranni sunnerneqarnermiit.
Ajutoorneq sulisilluni ajoqusernertut akuerineqarsinnaavoq, ajoquserneq sulisilluni pisimasuuppat imaluunniit suliffimmi atugarisanit tunngaveqarpat.
Allatut oqaatigalugu, suliffiit inuttullu ajoqusernerit peqqutaat ataqatigiissapput – sulisilluni ajoqusernermi inatsit tunngavigalu ’’peqqutit ataqatiigiinnerinik’’ taaneqartarpoq.
Sulisinerpit nalaani nalaatsortumik ajoquseriasaarnerit imaassinnaasoq sulinermik patsiseqanngitsoq. Una assersuutaasinnaavoq: Issiavimmiit nikuitsillutit qimerluppit nataqquanik anillakartoorputit.
Sulisilluni ajutoornermut nalunaarut ima misissortarparput
Sulisillutit ajutoorsimanersutit naliliiffiginnginnerani uku atorfissaqartittarpagut:
- Pisoq imaluunniit sunnerneqarup pisimaneranut aamma paasissutissat allat, sulisitsisup uppernarsarlugit atsiorsimasai
- Sulisitsisuvit sillimmasersimaneranut paasissutissat
- Nakorsap nalunaarsuutaa imaluunniit nakorsaniit paasissutissat pisoq sunniutaasimasulluunniit pillugit ajoqusersimanerup nassuiaataa.
- Allanik paasissutissanik pisoq sunniutaasimasulluunniit pillugit piumaffigisinnaavatsigit.
Ilaanni nakorsaq siunnersortaasoq aperisinnaasarparput ajoquserneq pisorlu imaluunnit sunniutaata peqqutaat ataqatigiinnersut.
Illit nammineq sulititsisuilluunniit pisoq qanoq pinngitsoorsimasinnaanissaa pillugu misissorneq ajorparput.