Suliamik taarsiivigineqarnissamut tunngasumik suliareqqiineq

Suliaq ataavartumik ajoquteqalernermut inuussutissarsiorsinnaajunnaarnermulluunniit taarsiivigineqarnermut tunngasoq sulissiissutigeqqinniarukku, siuliani aalajangiinermiit ukiut 5-t qaangiutinnginneranni qaangiutereerneranniluunniit suliasseeqqinneq apeqqutaalluni assigiinngitsunik maleruagassaqarpoq.

Aalajangeeqqaarnermiit ukiut 5-t qaangiutinnginneranni

Suliaq aalajangiivigineqareerneraniit ukiut 5-t qaangiutinngitsut suliareqqissagutsigu piumasaqaataavoq:

  • Siuliani aalajangiinitsinniit tunngavigisagut pingaarutilinnik allannguuteqarsimanissapput

Aalajangeeqqaarnermiit ukiut 5-t qaangiutereerneranni

Siuliani aalajangiinitsinniit ukiut 5-t qaangiutereersut taarsiivigineqarnissamut tunngasoq pillugu suliaq suliassiissutigeqqinniarukku makku piumasaqaataapput:

  • Peqqissutsit pissutsilluunniit allat soorlu ukiumut isertitatit malunnaatilimmik ajorseriaateqarsimassapput
  • Ajorseriaataasup sulisillutit ajoquserninnut attuumassuteqarnera ilimanaateqarluassaaq.

Pisoqalisoorneq

Taarsiivigineqarnissamut tunngasup suliareqqinneqarnissaani suliakkiisinnaanermi piffissatut killiliussat nalinginnaasut atuupput.