Maanna sulisitsisut AES-bidragimik akiliisarnerat oqinnerulissaaq
Inatsit malillugu sulisitsisut tamarmik sulisutik sulisillutik ajoqusernissaannut nappaateqalernissaannullu isumannaassallugit pisussaaffigaat.
Taanna pisarpoq sulisitsisut Arbejdsmarkedets Erhvervssikringimut tapitut akiliuteqartarnerisigut tassa taanna – taaneqartarpoq AES-bidragi.
Siornatigut Kalaallit sulisitsisut nammineerlutik AES-imut paasissutissanik nassiussisarnikuupput.
Siunissami akiliutissaq automatiskimik ingerlalissaaq – sulisitsisut paasissutissanik nassitsinngikkaluartut.
Sullitagut kalaallit sullilluarsinnaanaanniarlugit Arbejdsmarkedets Erhvervssikringip kiffartuussineq Kalaallit Nunanni immikkoortortaqarfimmut nuuppaa: Sulisilluni Ajoqusernerit pillugit Sullissivik.
“Akiliutissiisarnermut allannguineq Kalaallit Nunaanni sulisitsisunut AES-bidragimik akiliinissaannut oqilisaaneruvoq. Taamalilluta siornatigut suleriaatsimi pissutsit naleqqutinngitsut peerpavut, sulisitsisullu toqqaannaq kalaallisut sullinneqarsinnaalerlutik akiligassiissusineqartut pillugit apeqqutissaqassagunik , ” taama oqarpoq Sulisilluni Ajoqusernerit pillugit Sullissivimmi allaffimmi pisortaq Kristina Nordby.
AES-bidrag pillugu apeqqutit
Annerusumik paasisaqarusukkuit sulisitsisunut paasissutissiineq pillugu allakkanik sananikuuvugut, uani atuarneqarsinnaapput: Paasissutissiinneq pillugu allakkat.
AES-bidragi pillugu apeqqutit – soorlu naatsorsuinermut imaluunniit akiliutissamut naqqitassaqaraanni Sulisilluni Ajoqusernerit pillugit Sullissivimmut 34 20 90-imut apeqqutigineqarsinnaapput.
Tunngavigineqartoq
AES-bidragimut akiliutissamut suleriaatsimik nutaamik pilersitsineq pivoq nalunaarut nutaaq tunngavigalugu, taanna uani atuarneqarsinnaavoq: Bekendtgørelse