Højesteret-ip eqqartuussutaa 28. april 2026-imeersoq tunngavigalugu ajoqusersimasut suliap suliariteqqinnissaanut qinnuteqarsinnaapput
Højesteret-ip 28. april 2026-imi eqqartuussuteqarpoq, tamannalu ajoqusersimasunut siusinnerusukkut inuussutissarsiorsinnaanermik piginnaasanik annaasaqarneranut atatillugu sulisilluni ajoqusernermit taarsiiffigineqarnissamut itigartinneqarsimasunut pingaaruteqarsinnaavoq.
Ajoqusertoq nammineerluni suliap suliareqqinnissaanik qinnuteqassaaq.
Eqqartuussut ajoqusersimasunut pingaaruteqarpoq oqartussaasut imak naliliippata:
- Ajoqusertip ajoqusernera sulisilluni ajoqusernertut akuersissutigineqarsimappat
- Ajoqusertoq aalajangiissummik tigusaqarsimassaaq sulisilluni ajoqusernerup kingorna inuussutissarsiorsinnaanermik piginnaasaanik annaasaqarnera 15%-miik annikinnerusoq, taamaattumillu taarsiissutisinissaminut pisinnaatitaaffeqarsimanani
- Ajoqusertoq sulisilluni ajoquserneq peqqutigalugu isertitaminik minnerpaamik 5 %-imik annaasaqarsimassaaq
- Isertitanik annaasaqarneq minnerpaamik 5 %-iusoq ersarissaaq aammalu ataavartuulluni
- Aalajangiineq Center for Arbejdsskadesikring-miit imaluunniit Sulisilluni Ajoqusernerit pillugit Sullissivimmiik, Det Grønlandske Nævn for Arbejdsskadeforsikring-miit, Det Grønlandske Nævn for Arbejdsskadesikring-miit, Arbejdsmarkedets Erhvervssikring-miit (AES), Arbejdsskadestyrelsen-miit, Sikringsstyrelsen-miit, Maalaaruteqartarfimmiit, imaluunniit Den Sociale Ankestyrelsen-miit aalajangerneqarsimappat.
Ajoqusertoq inuussutissarsiorsinnaanermik piginnaasaanik annaasaqarnermut tunngatillugu siusinnerusukkut aalajangiinerit Se Sag-imi takusinnaavai.
Ajoqusertup sulisilluni ajoqusernera ajutoornerusimappat taarsiissutisinissamut piumasaqaataasinnaasoq pisoqalisimasinnaassaaq. Ajoquserneq ukiut 30-t sinnerlugit qaangiummata pisimappat, ajoqusertoq suliamik suliareqqiinissamut qinnuteqarsinnaanera pisoqalereersimassaaq.
Ajoquserneq inuussutissarsiorsinnaanermik nappaataappat ajoqusertup suliamik suliarinnittoqaqqinnissaanut qinnuteqarnera pisoqalinavianngilaq, nappaatip nalunaarutigineraniit ukiut 30-it ingerlareeraluartut. Inuussutissarsiorsinnaanermik nappaat siusinnerpaamik apriilip aallaqqaataani 1978-imi imaluunniit kingusinnerusukkut nalunaaruutigineqarsimassaaq.
Massakkut ajoqusertoq qanoq iliussava?
Ajoqusertoq CFA-mut suliap suliareqqinnissaanut qinnuteqassaaq, uani apeqqutaatinnagu suliami aalajangiineq pisortaqarfiup sorliugaluartup aalajangigarigaa.
Ajoqusertoq suliap suliareqqinneqarnissaanut digitaliusumik qinnuteqarsinnaavoq apeqquteqaatit uani akinerisigut:
Suliamik suliareqqiinissamik qinnuteqarit (borger.dk aqqutigalugu ammassaaq)
Suliap suliareqqinneqarnissaanut qinnuteqaat tigugutsigu suliaq suliareqqinneqarsinnaanersoq nalilersussavarput.
Annertunerusumik uani atuagaqarit
Maalaaruteqartarfiup maajip 13-ani 2026-mi eqqartuussut tunngavigalugu sulianik ingerlatsineq pillugu nittartakkaminni nutaarsiassamik saqqummiussivoq:
Højesteret-ip apriilip 28-ani 2026-mi eqqartuussutaa Danmarkimi Eqqartuussiviit nittartagaanni atuaruk:
Højesteret-ip apriilip 28-ani 2026-imi eqqartuussutaa tunngavigalugu suliap suliareqqinneqarnissaanut tunngasunik annertunerusumik uani atuarit: