Namminersorlutit aalisartuuguit, piniartuuguit savaatiliuguilluunniit ataatsimoortunut sillimmasiivik aqqutigalugu sulisilluni ajoqusersinnaanermut sillimmasersinnaavutit. Ataatsimoortunut sillimmasiinikkut sulisilluni ajoqusernerit inuussutissarsiornermilu nappaatigilersakkat sillimmasiivigineqassapput. Namminersortutut sulisoqaruit taakku ilanngullugit sillimmasersinnaavatit.
Sillimmasiisarfimmut ilanngunneq
1/1 2011 aallarnerfigalugu aalisartut, piniartut savaatillillu sillimmasiisarfimmut toqqaannartumik ilaasortaajunnaarlutik, sillimmaserniarunik namminneq ilaasortanngornissartik isumagissavaat. Namminersortutut imminut sillimmasernissaq piumassutsimik tunngaveqarpoq, sulisorisalli sillimmasiisarfimmut nalunaarutiginissaat inatsisitsigut pisussaaffigaat.