Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Taarsiissutissaq naatsorsoruk

Naatsorsueriaaserput atorlugu sulisilluni ajoqusernerup kinguneranik taarsiissutip annertussusissaa missingersorsinnaavat.



Naatsorsueriaaseq Arbejdsskadestyrelse-p nittartagaani qallunaatuuinnaasumi pissarsiarisinnaavat.

Ajoqutigiualigaq naneriarlugu taarsiissutissap annertussusissaa naatsorsoruk

Ajoqutigiualikkamut naatsorsueriaaseq atorlugu ajoqusernerup aalajangersimasup ajoqutigiualikkatut kingunerisinnaasaa suunersoq paasisinnaavat. Ajoqutigiualikkap procentinngorlugu annertussusia naapertorlugu, qanoq annertutigisumik taarsiiffigitinnissaq naatsorsorsinnaavat. Anigorsinnaanngisamik ajoquteqalernermut taarsiissutit, sulisilluni ajoqusernerup kingorna ippiuutigiualikkanut ajoqutigilikkanullu ataatsikkut tunniunneqartussanngorlugit taarsiissutaapput.

Ajoqutigiualikkanik naliliinermi tabeli ajoqutigiualikkamullu taarsiissuteqarneq

Ajoqutigiualigaq naneriarlugu taarsiissutissamik naatsorsuineq Arbejdsskadestyrelsense-p ajoqutigiualikkanik naliliinermi tabelianik uagullu naatsorsueriaatitsinnik ataatsimoortitsineruvoq.

Ajoqutigiualikkanik naatsorsuinermi tabeli naqitanngorlugu suliarineqaqqaarnera nittartakkamiit atorusunnerugukku tabeli uani pissarsiarisinnaavat:

Ajoqutigiualikkamut taarsiiffigitinneq

Ajoqutigiualikkavit qanoq annertutiginera ilisimareerukku (procentinngorlugu), naatsorsueriaaseq una atorlugu taarsiissutissaq naatsorsorsinnaavat:

Inuussutissarsiorsinnaajunnaarnermut taarsiissutissaq naatsorsoruk

Inuussutissarsiuteqarnikkut aningaasarsiorsinnaaneq sulisilluni ajoqusernikkut minnerpaamik 15 %-imik annikillisimappat, inuussutissarsiorsinnaajunnaarnermut taarsiissutit tunniunneqassapput.



Inuussutissarsiorsinnaanermik annaasaqarneq minnerpaamik 50 %-inut naatsorsuunneqarpat taarsiissutit pisartaganngortinneqassapput. Taarsiissutit utaqqiisaagallartumik aalajangiivigineqarsimasut pisartaganngortinneqassapput.

Inuussutissarsiorsinnaanermik annaasaqarnermik naatsorsuinerup 50% inorpagu taarsiissutissaq ataatsikkut tunniunneqassaaq (kapitalerstatning).

Inuussutissarsiorsinnaanermik annaasaqarnermik naatsorsuinerup 50% qaangersimappagu 50 %-ip tungaanut taarsiissutissat ataatsikkut tunniunneqarsinnaapput (kapitalisering).

Nangaanatoqarsinnaanera

Inuussutissarsiorsinnaajunnaarnermut atatillugu ajoqutigiualikkanullu taarsiissutisinissamut naatsorsuutit qulaani pineqartut ilitsersuutaannaapput.

Naatsorsuinerit sulisilluni ajoqusersinnaanermut isumannaarinissaq pillugu-,  sulisilluni ajoqusernerup kingunerisinnaasaanut isumannaarinermut –kiisalu sulisilluni ajoqusersinnaanermut sillimmasernissamut inatsisini atuuttuni maleruaqqusanik tunngaveqarput.

Inuussutissarsiorsinnaajunnaarnermik annaasaqarnermik naatsorsuinerit makkununnga atuutinngillat:

  • Ajoqusersimasut inuussutissarsiornerminni nappaatigiligaat 2004-mi nalunaarutigineqarsimasut 
  • Tjenestemand-itut atorfeqarsimasut sulisillutillu ajoqusernerminnut pisartagaqartut 
  • Timersornermik inuuniutillit piffissami aalajangersimasumi taarsiiffigitittut 
  • Aalisartut namminersortut sulisilluni ajoqusernerup kingunerisaanut isumannaarinermut  inatsimmi § 5 imm. 3 naapertorlugu sillimmasikkat
  • 18-it inorlugit ukiullit januaarip 1-ata 2004 kingorna ajoqusertut
  • 21-it inorlugit ukiullit januaarip 1-a 2004 sioqqullugu ajoqusertut

Inuussutissarsiorsinnaajunnaarnermut ajoqutigiualikkamullu taarsiissutissanik naatsorsuinermi qulaani pineqartumi, siornatigut taarsiiffigitinnissamut akuerineqarsimaneq taarsiissutinillu pisareersimaneq ilaatinneqanngilaq.

Sulisillutik Ajoqusertunik Sullissivik illit naatsorsukkannut akisussaatinneqarsinnanngilaq.

Taarsiiffigitinnissamut tunngatillugu annertunerusumik paasisaqarusukkuit Sulisillutik Ajoqusertunik Sullissivik atassuteqarfigisinnaavat.

Qupperneq una kingullermik nutarterneqarpoq 11. januaarip 2011