Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni Ajoqusernerit pillugit Sullissivik

Sulisilluni Ajoqusernerit pillugit Sullissivik (Center for arbejdskader) Kalaallit Nunaanni sulisilluni ajoqusersinnaanermut isumannaarinermi inatsimmik atuutitsisuuvoq. Sulisilluni ajoqusernermi eqqugaasut qimataasulluunniit taarsiiffigineqarnissaat ajunngitsorsiassaqartinnissaallu inatsimmi siunertaavoq. Ajoquserneq suliamik imaluunniit pissutsinik sulinermi atugaasunik patsiseqassaaq.



Kalaallit Nunaanni sulisilluni ajoqusernermi sullissivik/Center for Arbejdsskader Danmark-imi suliffeqarneq pillugu ministeriaqarfimmi sulisilluni ajoqusernermi aqutsisoqarfiup (Arbejdsmarkedets Erhvervssikring) ataani inissisimavoq. Sulisilluni ajoqusernermi sullissivik Arbejdsmarkedets Erhvervssikring-tulli pisortaqarfiuvoq allanut attuumassuteqarani sulisilluni ajoqusernernut aalajangiisuusartoq.

Sulisilluni ajoqusernerit

Ajoquserneq- nappaalluunniit sulisilluni ajoqusernertut akuerineqarsinnaanersoq Nuummi sulisilluni ajoqusernermi sullissivimmi (Center for arbejdsskader) aalajangiivigineqartarpoq. Sulisillutit ajoquserninni qanoq annertutigisumik taarsiiffigineqarnissat uagut aamma aalajangiivigisarparput.

Taarsiissutit tunniunneqartarnerat taarsiissuteqarnerlu

Sulisitsisut tamarmik sulisumik sulisillutik ajoqusersinnaanerannut sillimmasiissapput. Taarsiiffigineqassaguit sulisitsisuppit sillimmasiisarfiata taarsiissutit tunniutissavai uatsinnilu suliap ingerlanneqarnera akilissallugu. Ajoqusernermut sulisitsisuit akisussaatinneqarsinnaanera isiginiarneq ajorparput.

Ataatsimoortunut sillimmasiineq

1/1- 2011 aallarnerfigalugu namminersorlutit inuutissarsiortutut, sillimmasiisarfimmut toqqaannartumik ilaasortaajunnaarlutit, sillimmaserniaruit nammineq ilaasortanngornissat isumagissavat. Sulisuilli sillimmasiisarfimmut nalunaarutiginissaat pisussaaffigaat.



Taamaasiorsinnaavutit ataatsimoortunut sillimmasiisarfimmut ilanngunnikkut imaluunniit sulisilluni ajoqusersinnaanermut sillimmasiisarfimmut sillimmasernikkut, suliffeqarnermilu inuussutissarsiornermut atatillugu napparsimalernissamut sillimmasiisarfimmutArbejdsmarkedets Erhvervssygdomssikring (AES) ilanngunnikkut.

Paasissutissat allat sulisitsisut sillimmasernissamut pisussaaffiannut tunngasut atuakkit.

Qupperneq una kingullermik nutarterneqarpoq 28. januaarip 2016