Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Suliat sunngiffimmi ajoqusernikkut taarsiiffigitinnermut tunngasut

Suliaq namminerisamik taarsiiffigitinnissamut tunngasoq tassaavoq ajoqusernerup peqqissutsimut sunniutai pillugit Sulisillutik Ajoqusertunik Sullissiviup oqaaseqaasioqquneqarsimanera. 

Kikkulluunniit Sullissiviup najoqqutassamik oqaaseqaasiortinnissaanut noqqaassuteqarsinnaapput.
Inuup ajoquserneragut peqqissutsimut inuussutissarsiorsinnaanermullu ajoqusiineq pillugu oqaaseqaasiortitsisartut tassaagajunnerupput sillimmasiisarfiit inatsisilerituulluunniit.
Suliap paasilertoruminaatsup peqqissutsimut sunniutaasa naliliiviginissaat sillimmasiisarfiup ajornakusoortippagu- imal. ajoqusertoq sillimmasiisarfillu ajoqusernerup kingunerisai pillugit isumaqatigiinngippata- oqaaseqaat najoqqutassatut ilaatigut atorneqarsinnaasarpoq.

Oqaaseqaat sunik imaqarpa?

Oqaaseqaaterput nalilersukkanik ataani taaneqartunik pingasunik imaqarsinnaavoq:

  • Ajoqutigiualikkap annertussusaa: ajoqusernerup toqqaannartumik peqqissutsimut sunniutai 
  • Inuussutissarsiorsinnaassutsimik annaasaqarneq: ajoqusernerup kingunerisaanik isertitanik ataavartumik annaasaqarneq 
  • Allanngutsaaliffik: peqqissutsimut akornutaasut malunnaatilimmik ataavartumillu pitsannguuteqarunnaarnerat (ajoqusernernut juulip 1-at 2002 sioqqullugu pisunut taamaallaat atuuttoq)

Oqaaseqaasiorneq ima akeqarpoq

Oqaaseqaasiortitsinermut akigititaasut sulisilluni ajoqusernermi inatsimmi takuneqarsinnaasut
januaarip 1-ani 2012 imaapput:

  • Najoqqutassatut oqaaseqaat – inuussutissarsiorsinnaassutsimik annaasaqarneq ilanngullugu (Inatsit § 81, imm. 2) - 9.500 koruunit.
  • Najoqqutassatut oqaaseqaat – inuussutissarsiorsinnaassutsimik annaasaqarneq ilanngunnagu  (Inatsit § 81, imm. 2) - 5.400 koruunit.
  • Najoqqutassatut oqaaseqaat – Siunissami inuussutissarsiorsinnaanissamik naliliinermi piffissaq, ilassut (Inatsit § 81, imm. 2) - 9.500 koruunit.

Kikkut oqaaseqaammik piumasaqarsinnaappat?

Kikkulluunniit sunngiffimmi ajoqusernermut atatillugu Sulisillutik Ajoqusertunik Sullissivik oqaaseqaasioqqullugu noqqaaffigisinnaavaat. 

Sillimmasiisarfiit inatsisilerituulluunniit ajoqusernerup peqqissutsimut inuussutissarsiorsinnaassutsimullu sunniutai pillugit sillimasersimasup naliliiviginissaa ajornakusoortikkaangamikku oqaaseqaasiortitsigajuttarput.

Sillimasiisarfik sillimasigarlu isumaqatigiinngippata, ajoqusernerup kingunerisa sunniutaanik (ajoqutigiualikkap annertussusianik) naliliiniarnermi oqaasseqaatit najoqqutassatut ilaatigut atorneqartarput.

Oqaaseqaatit najoqqutassiaapput

Suliani namminerisamik taarsiiffigineqarnissamut tunngasuni Sulisillutik Ajoqusertunik Sullissiviup oqaaseqaatai najoqqutassiaapput. Illuatungeriit Sullissiviup oqaaseqaataanut isumaqataanngippata suliaq eqqartuussivitsigut aalajangiivigisassanngortinneqarsinnaavoq.
Sillimmasiisarfiit ilaasa suliaq saqitsaassutaasoq pillugu isumaqatigiinniarnermi oqaaseqaasiagut atortarpaat. Taamaattoqarpat taamaasiorsinnaaneq sillimasernissami piumasaqaatinut ilaatinneqarsimassaaq.

Sulisillutik Ajoqusertunik Sullissivik sulisilluni ajoqusersinnaanermut isumannaarinermi inatsimmi § 81 kiisalu taarsiisussaatitaasutut akisussaatinneqarnermut inatsimmi § 10 naapertorlugu najoqqutassianik oqaaseqaateqarsinnaaneq pisinnatitaaffigaa. 

Qupperneq una kingullermik nutarterneqarpoq 28. januaarip 2016