Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Suliamik ingerlatsisarnermut tunngasoq

Quppernermi matumani makku pissarsiassaapput:


Suliaq ilinnut tunngasoq nalunaarutigineqarpat, ajutoornerunersoq nappaataanersorluunniit apeqqutaalluni suleriaaseq assigiinngissuteqarpoq.
Ajutoornerunersoq nappaataanersorluunniit apeqqutaatillugu suliamik ingerlatsinitsinni piffissaliussat assigiinngissuteqarput.

2009-mi sulianik ingerlatsinitsinni piffissaq atortagarput agguaqatigiissillugu qaammatinik 6,5-inik sivisussuseqarpoq.

Nalunaarut tigugutsigu

Sulisilluni ajoquserneq pillugu nalunaarut tigugaangatsigu qarasaasiakkut nalunaarsuivitsinnut nalunaaqqaartarparput.
Suliap allattugaatini normua illit inuttut normunnik (CPR) tamatigut ilaqartarpoq. Ajutoornitit arlaliuppata imal. arlalinnik inuussutissarsiornermi nappaateqalersimaguit ileqquusutut ajoqutit immikkoortillugit suliarisarpagut. Sulianik arlalinnik ingerlatsissagutta immikkut tamarmik  ataatsimoortumik naliliivigineqassapput.

Suliami illuatungiliuttuuvutit
Ajoqusertutut suliami ilinnut tunngasumi illuatungiliuttuuvutit arlalinnillu pisinnaatitaaffeqarlutit. Taakkununnga ilaapput suliamik ilisimalersitaaneq imal. suliamut tunngatillugu ikiorserneqarsinnaanissamut periarfissaqartitaaneq.

Suliaq paasiniaavigaarput

Suliassaq ilinnut tunngasoq aallartikkutsigu sulisilluni ajoqusernermi inatsimmit tunngaveqarnersoq paasiniartarparput. Imaappoq inatsit naapertorlugu akuerineqarsinnaanera itigartinneqartariaqarneraluunniit paasiniartarparput.
Suliaq eqqortumik suliariumallugu amerlanertigut paasissutissanik annertunerusunik pissarsioqqaartariaqassaagut.
 
Paasissutissat suliamut pingaaruteqarsorisagut tamaasa nakorsanit, napparsimavinnit, Akileraarnermut Aqutsisoqarfimmit kommunimit Sullivinnik Nakkutilliisoqarfimmit assigisaannillu  piniarsinnaavagut. Taakku saniatigut sulisitsisuit suliamut tunngatillugu paasissutissiinissi pisussaaffigaa.

Allagaqaatitta assilineri tamatigut ilinnut nassiunneqassapput. Taamaasillutit suliap killiffia malinnaavigiuarsinnaassavat. Paasissutissiissutitut allakkagut aalajangiinerunngimmata Ankestyrelsemut naammagittaalliutigineqarsinnaanngillat.

Suliamut ilinnut tunngasumut qarasaasiakkut ilisimalersinneqarsinnaaffik ”Suliaq takuuk" aqqutigalugu amma malinnaasinnaavutit.

 

Ajoquserneq sulisilluni ajoqusernertut akuerineqarsinnaava?

Ajoqusernerit sulisilluni ajoqusersinnaanermut isumannaarinermut inatsimmik tunngaveqarpat, aalajangiivigitinninni ajoqusernerit ajutoornertut imal. inuussutissarsiornermi nappaataalersutut akuerineqarnersoq taarsiiffigineqarsinnaanersutillu paasissavat.

Ajoquserneq inatsimmi tunngavissaqanngippat, sulisilluni ajoqusernertut akuerineqannginneranut aalajangiineq ilinnut apuunneqassaaq.

Taarsiissutissanik naatsorsuineq
Taarsiissutaasartut assigiinngitsut makkuupput:

Taarsiiffigineqarsinnaaguit ajoqusernerullu kingunerisai nalileruminaappata ass. suli nakorsartikkuit, aalajangiinissarput kinguartittariaqarsinnaavarput. Taamaattoqarpat kinguartitsinerup qanoq sivisutigineranik ilisimatissavatsigit.

Ajoqusernerit ajoqutigiualikkanik naatsorsuinermi minnerpaamik 5 %-iusutut  imal. inuussutissarsiorsinnaanermik annaasaqarneq minnerpaamik 15 %-iusutut nalilerutsigu utaqqiisaagallartumik aalajangiisinnaasarpugut.
Kingorna ajoqusernerup kinguneri tamakkiisumik naliliivigisinnaanngorutsigik, ajoqusernerullu kinguneri utaqqiissaagallartumik naliliinermit annertuneruppata, taarsiissutit qaffanneqassapput.

Suliamik ingerlatsinermi piffissaliussat

Sulisillutit ajoqusersimanerit inuussutissarsiorninniluunniit nappaateqalersimanerit apeqqutaalluni suliamik ingerlatsinermi piffissaliussat assigiinngillat.
Nakorsaanermut immikkut ilisimasalimmut imal. sulinermut atatillugu nappaateqalersarnermut immikkut ilisimasalimmut misissortissaguit, suliamik ingerlatsineq sivitsorsinnaavoq.

Sulisilluni ajoqusernermik nalunaarutiginninnissamut piffissaliussat
Pisup nalunaarutigineqartup  sulisilluni ajoqusernertut akuerineqarsinnaannginnera, ajoqusernerpit nalunaarutiginerata kingorna qaammatit 3 qaangiuppata aalajangiivigissavarput.
Pisup nalunaarutigineqarneraniit ukioq ataaseq qaangiutsinnagu taarsiissuteqarnissaq taarsiiffigitinnissarlu aalajangiiffigissavagut.  

Inuussutissarsiornermi nappaatigilikkanut nalunaarutiginninnissamut piffissaliussat
Inuussutissarsiornermi nappaatigilikkatut nalunaarutigineqartup akuerineqarsinnaannginnera  inuussutissarsiornermi nappaatigilersakkat nalunaarsorsimaffianni ilaappat nalunaarutigineqarneraniit qaammatit 6 qaangiutsinnagit aalajangiivigissavarput.

Nappaat nalunnaarsukkanut ilaanngippat inuussutissarsiornermi nappaatigilikkanut ataatsimiititaliap kisimi aalajangiivigisinnaavaa. Sulianut taamaattunut piffissaliussaq ukiunik marlunnik sivisussuseqarpoq. Suliat aalajangiiviginiarnerisa ajornakusoorsinnaasarnerat, ass. paasissutissat ukiut arlalissuit siornatigut sulisimanermut tunngassutillit pissarsiariniarnissaat, sivisuneruneranut patsisaavoq.

Piffissaliussat qaangerneqarpata
Suliaq ilinnut tunngasoq piffissaliussat iluanni aalajangiivigisimanngikkutsigu akuerineqartutut paasineqassanngilaq.
Piffissaliussat eqquutsissinnaasimanngikkutsigik tamatuminnga ilisimatsinneqassaatit.

Qupperneq una kingullermik nutarterneqarpoq 28. januaarip 2016