Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Naammagittaalliorsinnaaneq

Suliami ilinnut tunngasumi aalajangikkagut suulluunniit naammagittaalliutigisinnaavatit. Naammagittaalliutit Ankestyrelse-mit suliarineqartarput Sulisillutilli Ajoqusertunik Sullissivimmut nassiunneqartussaallutik. 

Aalajangeereernitta kingorna peqqissutsit allannguuteqarpat – imal. sulisillutit ajoqusernerit pillugu paasissutissanik nutaanik takkuttoqarpat – suliap ilinnut tunngasup paasissutissat nutaat tunngavigalugit naliliivigeqqinneqarnissaanut noqqaaffigisinnaavatsigut.

Kikkut naammagittaalliorsinnaappat?
Aalajangiinermi pineqartut ataani taakkartukkat naammagittaalliorsinnaatitaapput:

  • Ajoqusertoq
  • Piginnaatitaasoq- ajoqusertup piginnaatitsissummik tunisimasaa soorlu kattuffik imal. inatsisileritooq ajoqusertoq sinnerlugu naammagittaalliorsinnaasoq 
  • Ajoqusertup qimatai
  • Sulisitsisup sillimmasiisarfia - ajotoortoqarnerani - imal. Arbejdsmarkedets Erhvervssygdomssikring (AES) – inuussutissarsiornikkut nappaateqalernermi
  • Sulisitsisoq- sulisitsisup sillimmasersimasup akuersineq/itigartitsineq kisiisa naammagittaalliutigisinnaavai. Sulisitsisup sillimmasersimanngitsup taarsiisussaatitaanissi pissutigalugu aalajangikkat tamaasa naammagittaalliutigisinnaavai

Naammagittaalliorsinnaanermut piffissaliussaq
Naammagittaalliorniaruit aalajangiussap tiguneraniit sap. ak. 4 qaangiutsinnagit tutsiutissaatit.

Naammagittaalliorsinnaanermut piffissaliussaq qaangersimasorigutsigu, kingusinaarluni naammagittaalliummik tigusaqarsimasorinninnitsinnik nalunaarluta suliaq Ankestyrelse-mut ingerlateqqissavarput. Ankestyrelsen-ip naammagittaalliorsinnaanermut piffissaliussamik qaangiisoqarsimanera qaangiisoqarsimannginneraluunniit naliliivigissavaa.

Naammagittaalliut sumut nassiunneqassava?
Naammagittaalliut uatsinnut nassiutissavat (Attavigisassat pillugit paasissutissat uani takukkit).
Allanut nassiukkukku ingerlatinneqaqqinnissaa qulakkeersinnaanngilat taamaasillutillu naammagittaalliorsinnaanermut piffissaliussaq qaangertoorsinnaavat. Naammagittaalliut Ankestyrelsemut toqqaannartumik nassiukkukku, suliamik ingerlatsinitsinnut kinguarsaataasumik uatsinnut ingerlateqqissavaat.

Ankestyrelse-p aalajangiineq ilinnut iluaqutaanngitsumik allanngortissinnaavaa
Ankestyrelse illit allalluunniit naammagittaalliutaannut pituttorsimanngilaq. Tamanna ilinnut marlunnik sunniuteqarsinnaavoq:

  • Tamakkiisumik aalajangiinermi Ankestyrelse-p naammagittaalliutiginngisatit suliamili immikkut aalajangiivigisat suliarissallugit toqqarsinnaavai
  • Ankestyrelse-p aalajangiineq ilinnut iluaqutaanngitsumik allanngortissinnaavaa – taarsiissutissat apparsinnaavai akuersinerlu akerlianik aalajangiivigisinnaallugu

Immikkut ittumik pisoqartillugu Ankestyrelse-p naammagittaalliutiginngisat suliamili immikkut aalajangiivigisat suliarisarpai. Ankestyrelse-p isumaa naapertorlugu suliaq kukkusumik naliliivigisimagipput ersarippat, taama pisoqarsinnaavoq. Ankestyrelse-p suliami immikkut aalajangiivigisat maalaarutiginngisatilli suliassanngortissallugit toqqarpatigik, nalinginnaasumik illuatungiliuttutut tusarniaavigissavaatsit nalunaarfigalutillu. Tamatuma kingorna Ankestyrelse aalajangiitinnagu kissaatigigukku naammagittaalliutit tunuartissinnaavat.

Sillimmasiisarfilli aamma naammagittaalliuteqarpat naammagittaalliutivit tunuartinneratigut suliaq unitsissinnaanngilat.

Qupperneq una kingullermik nutarterneqarpoq 28. januaarip 2016