Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni ajoquserneq qanoq paasineqassava?

Sulisilluni ajoquserneq marlunnik immikkoortoqarpoq.

  • Sulisilluni ajutoornerit
  • Inuussutissarsiornermi nappaatigilikkat

Ajutoorneq tassaavoq timikkut tarnikkulluunniit ajoquserneq pisoqarneraniit ingerlaannaq ullulluunniit 5 ingerlaneranni sunniuttoq.
Maskiinami sullivigisanni inussamik annaasaqarneq assersuutaasinnaavoq.

Inuussutissarsiornermi nappaatigiligaq tassaavoq sulinermik tamatumunngaluunniit attuumassutilimmik patsiseqartumik nappaateqalerneq. Nappaat sivikinnerusumik sivisunerusumilluunniit sunniivigineqarnikkut pinngorsinnaavoq.
Assersuutigalugu nipiliorfimmi ukiuni arlalinni sulereerlutit tusillakkuit.

Taarsiiffigitissagaanni allatigulluunniit pisartagassinneqassagaanni ajoquserneq sulisillini ajoqusernertut akuerineqarsimasariaqarpoq.
Ajutoorneq inuussutissarsiornermiluunniit nappaateqalerneq akuerineqassappat piumasaqaatit arlallit eqquutsinneqartariaqarput. Aakulu pingaarnerit marluk:

  • Sulisitsisumik Kalaallit Nunaanniittumik sullissininni ajoqusernerussaaq.
  • Ajoquserneq sulininnit tamatumunngaluunniit attuumassutilimmik patsiseqassaaq.

Piumasaqaatinut qulaani pineqartunut allaassuteqarsinnaasut tassaapput inuup inuuneranik annaassineq, ikinngutinik ikiuineq nunamilu allami sulineq.

Sulitillutik ajoqusertunik Sullissiviup suleriaasaa
Sulisillutik ajoqusertunik Sullissiviup sulisillutit ajoquserninnut nalunaarut tiguguniuk, ajutoornertut inuussutissarsiornermiluunniit nappaatigilikkatut suliassanngussanersoq naliliivigissavaa.
Tamatuma kingorna paasissutissanik pissarsiorneq aallartittarparput.

Qanoq pisoqarsimaneranik ajoqusernermullu suna patsissaasinnaanersoq pillugit ilinnit-, sulisitsisunnit-, nakorsannillu paasissutissat paasiniaanitsinni nalinginnaasumik atorfissaqartittarpagut.
Qanoq pisoqarsimanera tamatumaluunniit sunniutai qulakkeerneqarsinnaanngippata, takunnissimasut allalluunniit tusarniaavigisinnaavagut.

Aalajangiineq taarsiissutillu
Paasissutissat naammattut pigileraangatsigik tunngaviusumik ataatsikkut aalajangiisarpugut.
Taamaasiornikkut, aalajangiinermi ajoquserneq inatsit naapertorlugu akuerineqarsimanersoq taarsiiffigineqassanersutillu, ataatsikkut paasissutissiissutigineqassapput.

Aalajangiinerput naammaginngikkukku Ankestyrelse-mut naammagittaalliorsinnaavutit.

Qupperneq una kingullermik nutarterneqarpoq 28. januaarip 2016