Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sunngiffinni ajoquserpit?

Suliat namminerisamik taarsiissutinut tunngasut
Namminerisamik taarsiissutinut tunngatillugu Sulisillutik Ajoqusertunik Sullissivik sunngiffimmi ajoqusernerup kingunerisai pillugit oqaaseqaasiortinneqartarpoq.

Sunngiffimmi ajoqusernerit tamatigungajak sunngiffimmi pisarput. Assersuutitut taaneqarsinnaapput angallannermi ajutoornerit imal. persuttartinnerit. Suliat ajutoorsinnaaninnut sillimmasigaaffinnut tunngasuugajunnerusapput.

Sulianut namminerisamik taarsiissutinut tunngasunut- ass. inatsisilerituutut illersuisup imal. sillimmasiisarfiup piumasaqarnera naapertorlugu, ajoqusernerup kingunerisaasa peqqissutsimut inuussutissarsiorsinnaanermullu sunniutai pillugit oqaaseqaasiortinneqarnikkut- Sulisillutik Ajoqusertunik Sullissivik akuliutsinneqartarpoq.

Sunngiffimmi ajoquserneq sulisilluni ajoqusernertut nalilerneqarsinnaavoq

Sunngiffimmi ajoqusernerugaluartoq sulisilluni ajoqusernermi inatsit naapertorlugu taarsiiffigitittoqarsinnaavoq.

Assersuutigalugu inoqammik annaassiniartillutit-, ikinngutinnik ikiuiniartillutit nunamilu allami sulisillutit ajoqusernikkut, sulisilluni ajoqusernermi inatsit naapertorlugu taarsiiffigitissinnaavutit.

Qupperneq una kingullermik nutarterneqarpoq 28. januaarip 2016