Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Nakorsat qanoq ilinerani inuussutissarsiornermi nappaatigilikkamik nalunaaruteqarnissaq pisussaaffigaat?

Sulisup napparsimasulluunniit inuussutissarsiornermini nappaatigiligaanik pasitsaassineq nakorsatut pisussaaffiliisuuvoq.  

Nalunaaruteqarnissamut pisussaaffik nappaatinut nalunaarsukkanuinnaq tunnganani aammattaaq nappaatinut nalunaarsuiffiup avataaniittunut tunngassuteqarpoq.

Inatsisit tunngaviusut
Nakorsat kigutilerisullu nalunaaruteqarnissamut pisussaaffiat sulisilluni ajoqusernermi inatsimmi § 18 mik tunngaveqarpoq (nittartakkami retsinformation.dk-mi takuneqarsinnaajumaartussaq) kiisalu nakorsat kigutilerisullu nalunaaruteqartarnissaat pillugu Nalunaarut § 1 (Nalunaarut nr. 605 maajip 27-ani 2010-meersoq – nittartakkami retsinformation.dk-mi takuneqarsinnaajumaartussaq).

Nakorsaq/kigutilerisoq inuussutissarsiornermi nappaatigilikkamik nalunaarutiginninngippat,  Nalunaarummi § 4 imm. 1 sullivimmi avatangiisit pillugit inatsimmi § 84-mut innersuussut naapertorlugu, akiliisitaanikkut pineqaatissinneqarsinnaavoq.

Qanoq ilinerani nalunaarutiginnittoqassava?
Nakorsatut sulininni nappaatip suliamik patsiseqarsorisavit paasineraniit ullut 9 qaangiutsinnagit nalunaarutigissavat.

Inatsit tunngaviusoq
Sulisilluni ajoqusernermi inatsit § 15 naapertorlugu (nittartakkami retsinformation.dk-mi takuneqarsinnaajumaartoq) sulisilluni ajoqusernermi inatsit naapertorlugu taarsiiffigitinnermik kinguneqarsinnaasoq, ajutoornerup kingorna piaarnerpaamik kingusinnerpaamillu ullut 9 qaangiunneranni nalunaarutigineqassaaq.

Nakorsat arlallit napparsimasumik sullissisimappata kia nalunaarutiginninnissaq pisussaaffigaa?
Nakorsat nalunaarutiginninnissamut pisussaaffillit arlaliusinnaapput. Nappaatip sulinermik patsiseqarnerata paasereerneragut, nalunaaruteqarnissamut pisussaaffik nakorsami nakorsaniluunniit misissuisuniippoq. Nakorsaaneq napparsimavimmi immikkoortortami pisortaasoq nalunaaruteqarnissamut pisussaaffeqarpoq.

Qupperneq una kingullermik nutarterneqarpoq 28. januaarip 2016