Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Nalunaarutiginninnginnermi akiliisitsineq

Nakorsap kigutilluunniit nakorsaata inuussutissarsiornermut atatillugu nappaataasorineqartoq nalunaarutiginngippagu akiliisussanngortissinnaavarput.

Ajoqusertup qimataasulluunniit taarsiiffigineqarnissamik annaasaqarsimanerat akiliisitsinissami tunngavissatut piumasaqaataanngilaq. Taamatuttaaq nappaatip suliamik patsiseqarnerata akuerineqarsinnaanera piumasaqaataanngilaq. Nalunaaruteqartussaatitaanermut maleruagassani pinaversaartitsinerup eqqarsaataanera, tamatumunnga patsisaavoq. Ajoqusertup taarsiiffigitinnissaa, nappaatip nalunaarutigineqarnissaata qulakkeernissaa-, inuussutissarsiummillu nappaateqalersinnaasarnermut tunngasut ineriartortinneqartuarnissaat maleruagassiornermi siunertaapput.

Assersuut – nakorsatut nalunaarutiginninnissamut pisussaaffimmik unioqqutitsineq
Nakorsap ajoqusertoq misissorpaa suliffimmilu nipiliorfiusumi ukiorpassuarni sulisimaneq tusillassimanermut patsisaasoq allattugaatinut nalunaarlugu. Nakorsap ajoqusertoq tusilartunik misissuisarfimmut innersuuppaa Arbejdsskadestyrelse-mulli nalunaarutiginagu.

Taamaaliorneq nalunaaruteqartussaatitaanermut maleruagassamik unioqqutitsineruvoq akiliisitaanermillu kinguneqarsinnaalluni.

Inatsit tunngaviusoq
Nakorsap kigutilerisulluunniit inuussutissarsiornermi nappaateqalerneq nalunaarutiginngippagu, nalunaaruteqartussaatitaaneq pillugu Nalunaarummi § 4 (nittartakkami retsinformation.dk-mi takuneqarsinnaajumaartussami), sullivimmi avatangiisit pillugit inatsimmi § 84-mut innersuunneqartumi (nittartakkami retsinformation.dk-mi takuneqarsinnaajumaartussami), naapertorlugu akiliisinneqarsinnaavoq.

Qupperneq una kingullermik nutarterneqarpoq 28. januaarip 2016