Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Ajoquserneq nalunaarutigigukku

Sulisilluni ajoqusernermut sillimmasiissarfivit taarsiissuteqarnissamut akisussaaffik tigussavaa  
Sulisitsisutut sulisilluni ajoquserneq nalunaarutigigukku sulisilluni ajoqusernermut sillimmasiisarfivit ajoqusernermut aningaasartuutit isumagissavai.

Taamaasilluni suliap ingerlanneqarnissaanut taarsiissutaasinnaajumaartussanullu aningaasartuutit sillimmasiisarfivit akilissavai.

Ajoquserneq iliuutsimik/iliuuseqanngitsoornermik taarsiissuteqarnissamullu akisussaatitaanermik inatsit naapertorlugu akisussaatitaanermik kinguneqartumik patsiseqarpat, sulisilluni ajoqusernermut sillimmasiisarfiup sulisilluni ajoqusernermi inatsit naapertorlugu akiliutissat kisiisa akiligassarai (Arbejdsskadelovens § 77).
Taarsiissussaatitaanermut akisuussaaffik pillugu inatsit naapertorlugu suli annertunerusumik taarsiiffigineqarsinnaaneq pisinnaatitaaffiuppat, ajoqusertup ajoqusiisumut piumasaqaatigisinnaavaa.

Ajoqusernerup kingunerisaanik suliffimmut aningaasartuutit
Sulisup napparsimanermi nalaani akissarsiaasa (Ullormusiaasa) nalingisa utertinnissaat pisinnaatitaaffigaat.
Sulisuit ajoqusernerata saniatigut aningaasartuuteqaruit taakku sulisut ajoqusersinnaanerannut sillimmassiisarfimmiit taarsiiffgineqarsinnaanngillat.

Assersuutitut makku taarsiivigineqarsinnaanngillat:

  • Sulisumut ajoqusertumut taartaagallartussamik atorfinititsinermi aningaasartuutit
  • Sulisut allat qaangiuttoortariaqalernerannut aningaasartuutit
  • Ajoqusertup napparsimavimmi namminersortunit pigineqartumi nakorsartinneranut aningaasartuutit
  • Inatsisilerutuumut suliakkiinermi aningaasartuuit

Sulisitsisutut pisussaaffitit pisinnaatitaaffitillu

Nalinginnaasumik  ajoqusertoqarnerani sulisitsisutut suliamut illuatungiliuttuunnginnavit, suliamut tunngasunik ilisimalersitaasinnaanngilatit. Namminerli sullivinnut tunngasortaanik ilisimalersitaasinnaavutit.
Akuersilluta akerlianilluunniit aalajangiinerput maalaarutigigukku suliareqqitassanngortinnerani illua tungiliuttuussaatit.

Paasissutissiinissamut pisussaaffik
Suliap paasiniaaviginerani peqataanissamut pisussaaffeqarputit. Suliamut tunngatillugu apeqqutit nassiussatta akinissaat pisussaaffigaat. Akinngikkuit akiliisitaasinnaavutit.

Maalaaruteqarsinnaaneq
Ajoqusernerup suliamut attuumassuteqarneranik- tassalu sulisilluni ajoquserneruneranik aalajangiinerput sulisitsisutut maalaarutigisinnaavat – nalinginnaasumik pisoqartillugu taarsiissutip annertussusaa maalaarutigisinnaanngilat.
Maalaaruteqarnerpit sillimmasiisarfimmut nalunaarutiginissaa pingaaruteqarpoq. Taamaasiornikkut maalaarutivit suliarinnginnerani sillimmasiisarfiup ajoqusertumut taarsiissuteqanngikkallarnissaa qulakkiissavat.

Sillimmasersimanngikkuit
Inatsisitigut piumasaqaataasumik ajoqusersinnaanermut sulisutit sillimasersimanngikkukkit  nammineq ajoqusertut taarsiiffigisussaassavatit. 

Nammineq taarsiissuteqartussanngussaguit suliamut illua- tungiliutuussaatit.
Illua-tungiliuttutut suliamut tunngasunik ilisimalersitaasinnaavutit, aalajangiinerillu suliamut tunngassutillit tamaasa, sulisilluni ajoquserneruneranik- taarsiissutillu annertussusaanut apeqqutit ilanngullugit maalaarutigisinnaavatit.

Qupperneq una kingullermik nutarterneqarpoq 28. januaarip 2016