Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisitsisutut pisussaaffitit

Nalunaarnissamut pisussaaffik
Sulisuit ilaat ajutoornikkut ajoquserpat tamatuma nalunaarutiginissaanut pisussaaffeqarputit.
Ajutoorneq tassaavoq inuup ajoqusernera, sulinermik suliamilluunniit tassanngaanartumik ullulluunniit 5-it ingerlaneranni sunniuttumik, patsiseqartoq.

Ajutoornerit tamatigut nalunaarutigissavatit. Ajoqusernerit ajoqusernermiit ullut 9 qaangiutsinnagit Sulisilluni Ajoqusernerit pillugit Sullissivimmut nalunaarutigissavatit.
Ajoqusernerilli annikitsut soorlu tilluusarnerit - nalunaarutigineqassanngillat.
Ajoqusernerit aallaqqaammut nalunaarutigineqanngitsut, ajoqusertoq ajoqusernermi kingorna kingusinnerpaamik sapaatit akunneri tallimat qaangiunneranni pisarnermisut sulilersinnaasimangippat nalunaarutigineqassaput. Taamaattoqarpat sapaatip akunnerisa 5-it qaangiunnerisa kingorna ullut 9 qaangiutsinnagit nalunaarutigissavat.

Sulisoq inuussutissarsiornermini nappaateqalersorinarpat Arbejdsmarkedets Erhvervssygdomssikring-imut nalunaarutigisinnaavat imal. pineqartoq nakorsiartillugu nalunaaruteqarnissamut ikiorsertissinnaavat. Illit nappaatit nalunaarutiginissaat pisussaaffiginngilat.

Sulisut sulisillutik ajoqusersinnaanerannut sillimasiinissamut pisussaaffik

Sulisoqaruit sulisilluni ajoqusersinnaaneranut sillimmasissavat. Imaappoq sulisut ajutoornikkut ajoqusersinnaanermut inuussutissarsiornermiluunniit nappaateqalersinnaanermut sillimmasissavat.

Illit nammineq angerlarsimaffinni ukiumut nal.ak. 400 inorlugit sulisorisavit sillimmasernissaa pisussaaffiginngilat. Taamaakkaluaq sulisilluni ajoquserpat nalunaarutiginissaa pisussaaffigaat.

Akiliisitaanerit
Sulisuit sulisillutik ajoqusersinnaanerannut sillimmasiinissamut pisussaaffiit eqquutsinngikkukku, ajutoornerit nalunaarutiginngikkukkit ilisimatitsissutiginngikkukkilluunniit akiliisitaassaatit.

Paasissutissiinissamut pisussaaffik
Suliaq pillugu paasissutissanik pissarsiniarnitsinni ikiuunnissamut pisussaaffeqarputit. Unioqqutitsineq akiliisitaanermik kinguneqassaaq.
Apeqqutigut akissavatit paasissutissallu piumasagut nassiullugit.
Ilaanni paasissutissat ajoqusertup nammineq nassiuttarpai, taamaattoqartillugu illit aamma nalunaaruteqarnissat piumasarisarparput.
Illit isummat naapertorlugu ajutoortoqarsorinngikkukku tamanna uatsinnut nalunaarutigissavat.  Ajutoortoqarsorinngikkaluarukkuluunniit sillimmasiisarfivit aqqata paasissutissiissutiginissaa pisussaaffigaat.

Qupperneq una kingullermik nutarterneqarpoq 28. januaarip 2016