Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisitsisuuit?

Sulisilluni ajoqusernermut tunngatillugu sulisitsisutut pisussaaffitit arlaliupput. Ataatsimut isigalugu pingaarnerit marluk tassaapput:

 Sulisilluni ajutoornermi suliaq sulisitsisumit ima ingerlanneqarajuttarpoq:

1 -  Sulisoq ajoquserpoq
Sulisilluni ajoquserneq marlunnik immikkoortortaqarpoq tassaasunik: sulisilluni ajutoorneq inuussutissarsiornermilu nappaatigilikkat.

Ajutoornerit tassaapput tassanngaannaq- imaluunniit ullut 5 ingerlaneranni pisut. Assersuutigineqarsinnaavoq sulisoq nakkarnermigut nissuni napippagu, imaluunniit oqimaatsumik kivitsinikkut ullut 3 ingerlaneranni qimerlummi akornanni nataqqumik anillakartoorpat(diskusprolaps).

Inuussutissarsiornermi nappaateqalersarneq tassaavoq sulisilluni ajoqutaasinnaasunik sivisuumik sunniivigineqarneq  – soorlu tusillanneq imal. nungullarnermik patsiseqartumik ajoqusernerit.

2 – Ajoquserneq nalunaarutigineqassava?
Sulisilluni ajutoornermi inatsit naapertorlugu sulisoq ikiorserneqarnissamut pisinnaatitaaffeqarpat, inatsit naapertorlugu sulisitsisutut sulisilluni ajutoornerit nalunaarutiginissaat pisussaaffigaat.

Assersuutigineqarsinnaapput nakorsartinnermut aningaasartuutit matussuserneqarneri, ajoqutigiualikkamut inuutissarsiorsinnaajunnaarnermullu taarsiiffigineqarneq.

Sulisilluni ajoquserneq Sullivinnnik Nakkutilliisoqarfimmut Sulisillutillu Ajoqusertunik  Sullissivimmut nittartagaq www.anmeld.gl imal. www.at.gl. aqqutigalugu nalunaarutigineqarsinnaapput. Immersugassat immersoriarlugit nassiunneqarsinnaapputtaaq. Immersugassat Sullivinnik Nakutilliisoqarfimmit Sulisillutillu Ajoqusertunik Sullissivimmiit pissarsiariniarneqarsinnaapput, nittartakkallu www.anmeld.gl aamma www.at.gl aqqutigalugit naqitanngorlugit anillatsinneqarsinnaallutik.

Toqumik kinguneqartitsineq annertuumillu aqqunarneq nal. ak. 48-it qaangiutsinnagit  Sulisilluni Ajoqusertunik Sullissivimmut nalunaarutigineqarnissaat, sulisitsisutut ilisimassavat.

Inuussutissarsiornermi nappaatigilikkap nalunaarutiginissaa sulisitsisutut pisussaaffiginngilat. Akerlianilli sulisilluni ajutoornerup nalunaarutiginissaa pisussaaffigaat, taamaasiunngitsoornerlu akiliisitaanermik kinguneqassaaq.

3 – Sulisillutik Ajoqusertunik Sullissiviup suliaq ingerlatissavaa
Sulisitsisutut suliap ingerlannerani paasissutissat ilaasa uppernarsinissaannut  akuliutsinneqartarsinnaavutit. Ass. nalunaarummi allassimasut sulisup suliarisartagaasut allassimasut uppernarsarnissaannut.

Suliap ingerlannerani apeqqutit nassiussatta akinissaat sulisitsisut pisussaaffigaat,
sulisitsisutulli sulisumut tunngatillugu suliamut nalinginnaasumik attuumassuteqanngilatit, taamaammallu suliamut tungatillugu paasissutissanik ilisimaarinninnissamut pisussaaffeqarnak.

4 – Sulisillutik Ajoqusertunik Sullissivik akuersissutinut aalajangiisuusarpoq
Aalajangiinerup ajoqusersimasumut nassiunneqarnerani, aalajangiinerup sulisilluni ajoqusertoqarnerata naliliivigineqarneranut tunngasortaa – tassalu ajoquserneq sulinermut tamatumunngaluunniit attuumassuteqarpat, ilinnut sulisitsisuusumut nassiunneqassaaq. Aalajangiinerup tamatuma maalaarutiginissaanut sulisitsisutut periarfissaqarputit.

Aalajangiinerup taarsiiffigitinnissamut tunngasortaa ilinnut sulisitsisuusumut nassiunneqassanngilaq, taarsiiffigitinnissamillu aalajangiineq maalaarutigisinnaanngilat.
Sulisilluni ajoqusernermi inatsit malillugu, sulisitsisutut qanoq pisoqarsinnaaneranut sillimaniarnermi akisussaaffik (taarsiisussaatitaanerlu) sillimmasiisarfinnut tunniuppat. Taamaammat sillimmasiisarfik suliamut attuumassuteqartutut taarsiiffigitinnissamut aalajangiinermut maalaaruteqarsinnaatitaavoq.

Qupperneq una kingullermik nutarterneqarpoq 28. januaarip 2016