Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni ajoqusernerit maanna sms-ikkut nalunaarutigineqarsinnaanngorput

Sulisilluni ajoqusernerit maanna sms-ikkut nalunaarutigineqarsinnaanngorput

Sulisilluni Ajoqusernerit pillugit Sullissiviup maanna oqarasuaatitigut angallattakkatigut sms-systemi nutaaq aallartippaa. Tamatuma innuttaasut sulisillutik ajoqusernermi nalunaarutiginissaat ajornannginnerulersippaa.

Sulisilluni Ajoqusernerit pillugit Sullissiviup pisortaa Kristina Nordby-Rachlitz-ip perarfissaq nutaaq qiimmatsaatigaa.

  • Sulisilluni ajoquserneq uagutsinnut nalunaarutigineqartoq, inuup inuunerata tunngavianut piffissani sulisinnaannginnerani pingaaruteqarsinnaavoq. Taamaattumik innuttaasup uagutsinnut ajornannginnerusumik attaveqarsinnaanerminut periarfissaanik ujaasiuarpugut. Oqarasuaatikkut angallattakkakkut sms-systemi nutaaq atorlugu, interneti atunngikkaluarlugu, ulloq unnuarlu akunnerni 24-ni ajoqusernerit nalunaarutigineqarsinnaanngorput, Kristina Nordby-Rachlitz oqarpoq.
  • Kristina Nordby-Rachlitz oqarpoq.

 

Ullumikkut pappialanngorlugu nalunaaruteqartarnerup, elektroniskimik www.anmeld.gl aqqutigalugu nalunaaruteqarnerup imaluunniit Sulisilluni Ajoqusernerit pillugit Sullissivimmut sianerluni nalunaaruteqartarnerup saniatigut maanna oqarasuaatikkut angallattakkakkut SMS-ikkut nalunaaruteqarsinnaanermut periarfissaq nutaaq ilanngunneqarpoq.

Sulisilluni ajoqusernermik nalunaarut uunga nassiunneqarsinnaavoq: 00299 56 56 00, nassiussinerlu ataaseq 10 øremik akeqarpoq. Nammineq toqqakkannik allassinnaavat. Nassiussereernermi sullissivimmi sulisumik nalunaaruteqartoq sianerfigineqassaaq, sulisillunilu ajoquserneq pillugu suliaq aallartillugu.