Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Kujataani paasisitsiniaalluni angalaneq 2014

Pisortaqarfiit sisamat Nunatta Kujataanut paasissitsiniaallutik angalassapput

Nunatta Kujataani illoqarfinni nunaqarfinnilu 13-ini innuttaasut maanna pisortaqarfiit sisamat qanimut oqaloqatigisinnaalerpaat. Pisortaqarfiit tassapput Atuisartoqarnermut Unammilleqatigiinnermullu Aqutsisoqarfik, Ikiu, Sulisilluni Ajoqusernerit pillugit Sullissivik aamma Sullivinnik Nakkutilliisoqarfik.

Angallammik angalaneq 1. septemberimiit 12. septemberip tungaanut ingerlanneqassaaq, iluarsartuullugulu pilersaarusiami pisortaq Peter Fleischer Rex paasisitsiniaalluni angalanissaq pillugu oqaaseqarpoq.

"Innuttaasut ulluinnarni pisortaqarfinni sulisut tikillugit attaveqarnissaminnut periarfissaqanngillat, taamaattumillu uagutsinnik qanimut oqaloqateqarnissaminnik periarfissaqalerput apeqquterpassuarnillu assigiinngitsunik akineqarsinnaalerlutik. Pisortaqarfiit sisamaalluta inuit Kalaallit Nunaanni tamaneersut sullitaraagut, paasisitsiniaanerlu innuttaasut avinngarusimasuniittut oqaloqateqarnissaannut periarfissiivoq, Peter Fleischer Rex oqaluttuarpoq.

Peter Fleischer Rex oqaluttuarpoq.

Innuttaasut makkuninnga aqqutissiuunneqarlutillu paasitinneqasssapput:

  • Pisinnaatitaaffiit isumaginninnermi, ineqarnermi atuisartunut pisisartunullu siunnersuisoqatigiinnerup iluani
  • Inatsisitigut siunnersuiffik
  • Aalisartunut-, piniartunut-, savaatilinnullu namminersortunut sulilluni ajoqusernernut isumannaarineq pillugu sillimmaserneq
  • Sulisilluni ajoqusernerit pillugit paasissutissiineq

Innuttaasut suliffeqarfiillu tamaasa aggeqqullugit pisortaqarfiit kajumissaarpaat, tamannalu inunnut apeqqutinik assigiinngitsorpassuarnik apeqqutissaqartunut atuuppoq.

Tikiffiissat uani takukkit