Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni Ajoqusersinnaanermut Isumannaarineq pillugu Sullissivimmiit innuttaasunut paasissutissaq

Kalaallit Nunaanni sulisilluni ajoquserneq pillugu januaarip 1-ani 2011 inatsit nutaaq atuutilissaaq.

Sulisilluni Ajoqusersinnaanermut Isumannaarineq pillugu Sullissivimmik taaguuteqarunnaarluni januaarip 1-ani 2011-miit Sulisilluni Ajoqusertunik Sullissivimmik taaguuteqalissaaq aaqqissuussaanikkullu Qallunaat Nunaanni Arbejdsskadestyrelse-p ataani inissisimalissalluni.

Allamik allaffeqalissaagut oqarasuaatip- fax-ip normui qarasaasiakkullu allakkasuarfissaq (e-mail) allanngussapput. Allaffik Nuummiiginnassaaq sulisullu attavigisassat taakkuuinnassallutik.

Imaneq 18-imi allaffissagut allanngortiterlugit suliarineqarput utaqqiisaa apriilip 30-ata 2011 tungaanut Pukuffik B 3506-imiissaagut (pequtaarniarfiup møbelmagasinip eqqaani).

Januaarip 1-ani 2008 miit decembarip 31-ata 2010-p tungaanut suliat sulisilluni ajoqusernermut tunngasut Arbejdsskadestyrelse-p qarasaasiakkut sullississutaanut nuunneqassapput. Taamaammat siusinnerpaamik januaarip 15-ani 2011 tusagaqarfigissavatsigut.

2008-miit 2010 ilanngullugu sulisilluni ajoquserneq pillugu ilinnut tunngasumik suliaqarpat- suliarlu naammassereersimagaluarpalluunniit, uppernarsaammik saaffiginniffissat nutaat paasissutissartaannik imalimmik allagarsissaatit.

Januaarip 1-aniit 2011 paasissutissat sukumiinerusut nittartakkani ukunani pissarsiarisinnaavatit:

Inussiarnersumik inuulluaqqusilluta
Sulisilluni Ajoqusertunik Sullissivik/Center for Arbejdsskader
Imaneq 18 · Boks 156 · 3900 Nuuk
Oqarasuaat: 342790 · Fax: 342799
Qarasaasiakkut allakkasuarfissaq/e-mail: cfa@ask.dk