Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni ajoqusersinnaanermut sillimmasernissaq eqqaamajuk

Savaatilinnut, piniartunut pinialuttartunut inuussutissarsiutigalugu aalisartunut allanullu 15 meterit inorlugit angissusilimmik angallatilinnut juulip 31-ani 2011 ataatsimoortunut sillimmasiineq atorunnaarpoq. Tamatuma kingorna nutaamik sillimasersimanngikkaanni branchit taaneqartut sulisuilu sulisilluni ajoqusersinnaanermut sillimmataarupput.

”Savaatillit, piniartut, pinialuttartut inuussutissarsiutigalugulu aalisartut allallu 15 meterit inorlugit angissusilimmik angallatillit, januaarip aallaqqataaniit nammineq piumassutsiminnik sillimmasersinnaalerput. Taamaammat pisarnertut sillimmasernissamut akiligassiisoqanngilaq arlallillu qularnanngitsumik sillimmasernissaq puigorsinnaavaat. ”Ajoquseriataartoqarsinnaanera aningaasatigut upalungaarsimaffiginiarlugu sillimmaseqqinnissaq kajumissaarutigissavara,” Sulisillutik Ajoqusertunik Sillissiviup pisortaa Kristina Nordby-Rachlitz oqarpoq.

Savaatillit, piniartut, pinialuttartut inuussutissarsiutigalugulu aalisartut ataasiakkaat imminnut sillimmasernissaat piumassutsimik tunngaveqaraluaq sulisoqartunulli pissutsit taamaanngillat.

”Ataasiinnarmilluunniit sulisoqaraanni, sulisup sillimmasernissaa sulisitsisup pisussaaffigaa. Sulisup sulisilluni ajoqusernera akuerineqarpat sillimmasiisarfimmulli akiligassaq akilerneqarsimanani, sulisitsisumut tamanna akisoorujussuusinnaavoq. Taamaattoqartillugumi taarsiissutissaq sulisitsisumit akilerneqartussanngortarpoq,” Kristina Nordby-Rachlitz oqarpoq.

Qarasaasiakkut nittartagaq www.gruppeforsikring.gl atorlugu Ataatsimoortunut Sillimmasiisarfimmut ilanngunniarluni nalunaarnissaq visa/dankort-ilu atorlugu imal. konto-mut nuussinikkut akiliinissaq ajornanngitsunnguuvoq.

Ikiorneqarnissaq paasissutissalluunniit sukumiinerusut pisariaqartikkukkit, oqarasuaatip normua una atorlugu nal. 10-12 akornanni saaffiginnissaatit: 34 2790

Paasissutissat sukumiinerusut Sulisillutik Ajoqusertunik Sullissiviup pisortaa Kristina Nordby-Rachlitz attavigalugu pissarsiarisinnaavatit: