Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Aalisartut piniartullu sulisilluni ajoqusernernut annertunerusumik isumannaarput

Sulisilluni Ajoqusernerit pillugit Sullissiviup Nuummiittup ilisimatitsissutigaa aalisartut piniartullu sulisilluni ajoqusernernut sillimmasersimasut amerleriarsimasut. 2012-imiit 2013-imut 17%-it namminersortut sillimmasersimapput, 39%-illu sulisutik sillimmasersimallugit. Sulisilluni Ajoqusernerit pillugit Sullissiviup pisortaa Kristina Nordby-Rachlitz oqarpoq:

”Siuariaateqarneq nuannaarutissaavoq, tassami aalisartut piniartullu inuussutissarsiutaata navianartuusinnaanera avaqqunneqarsinnaanngilaq. Namminersortutulli sulisillutik ajoqusernernut ingerlaannartumik sillimasersinnaanngillat, taamaammat imminnut ilaquttaminnullu isumannaarsimaneri takusinnaallugit nuannerpoq”

 

Namminersorlutik aalisartut, piniartut savaatillillu 2011-miilli sulisilluni ajoqusernernut iingerlaannartumik sillimmasersinnaasarsimanngillat. Taamaattumik www.gruppeforsikring.gl aqqutigalugu sulisillutik ajoqusernernut aningaasatigut isumannaarumagunik namminneerlutik sillimmasissapput.

 

Imminnut isumannaarsinnaapput, tamatumunngalu ilanngullugu isumaqarpugut periarfissaminnut pisinnaatitaaffimminnullu sapinngisamik pitsaanerpaamik periarfissinneqartariaqartut. Taamaattumik nunatta kitaata avannaani Tunimilu paasisitsiniaanermik ingerlatsimavugut. 1. august 2014 Nuup kujataaniit kitaata kujataa angallavigissavarput ’Ataatsimoortunut sillimmasiineq aalisartunut, piniartunut savaatilinnullu naalagaaffimmit aningaasaliivigineqartoq’ sillimmasernissamut periarfissaq pillugu paasisitsiniaalluta. Amerlanerusut imminnut isumannaarniarlutik sillimmasernissamik iluaqutaasinnaanerata takusinnaalernissaa kissaatigaarput,”  Kristina Nordby-Rachlitz naggasiivoq.

 

Sulisilluni Ajoqusernerit pillugit Sullissivik Nuup kujataani kitaani paasisitsiniaalluni 1. augustimiit 13. august 2014-ip tungaanut angalaniarpoq, illoqarfiit nunaqarfiillu sapinngisamik amerlasuut anguniassallugit.

 

Attaveqaataasoq: Tusagassiornermut akisussaasoq, Peter Fleischer Rex: 0029958 64 74