Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Kalaallit Nunaat namminerisaminik sulisilluni ajoqusernermut inatsiseqalerpoq

Januaarip aallaqqaataa 2011 aallarnerfigalugu  Kalaallit Nunaanni sulisut sulisilluni ajoqusernermut nutaamik inatsiseqalissapput. Inatsit nutaaq Qallunaat Nunaanni inatsimmut assinguvoq nunatsinnulli naleqqussagaalluni.

Kalaallit Nunaanni aalisartunut piniartunut savaatilinnullu sillimmasiissummik immikkut ittumik inatsit ilaatigut imaqarpoq. Pisariitsumik akikitsumillu piniartut aalisartut savaatillillu sulisillutik ajoqusissagaluarunik taarsiiffigineqarsinnaanerat, Qallunaat Nunaannisut sillimmasernikkut qulakkeerneqassaaq.

Kalaallit Nunaanni sulisilluni ajoqusersinnaanermut isumannaarineq 1962-imiilli Qallunaat Nunaanni inatsit naapertorlugu peqqussusiornikkut Kalaallit Nunaannut atuutsinneqarpoq. Kalaallit Nunaanni Namminersorlutik Oqartussat inatsisip nutaap allaffissornikkut ingerlannissaa kissaatiginngimmassuk, akisussaaffik Qallunaat Nunaanni Arbejdsskadestyrelse-mit tiguneqarpoq. Namminersorlutilli Oqartussat sukkulluunniit suliaq tigusinnaavaat.

Inatsisip nutaap atuutilerneranut atatillugu Sulisilluni Ajoqusersinnaanermut Isumannaarineq pillugu Sullissivimmik taaguuteqarunnaarluni januaarip 1-ani 2011-miit Sulisilluni Ajoquserneq pillugu Sullissivimmik taaguuteqalissaaq.
Sulisut tallimaasut Namminersorlutik Oqartussani suliunnaarlutik Arbejdsskadestyrelsimi sulisorineqalissapput.  

Suliat sulisilluni ajoqusernermut tunngasut Arbejdsskadestyrelse-p qarasaasiakkut sullississutaanut nuunneqassapput, taamaasiornikkut Kalaallit Nunaani sulisut suliamik naliliiniarnermi Arbejdsskadestyrelsimi nakorsatut siunnersortinik ikiorserneqarsinnaanerat ajornannginnerulissaaq  

Sulisilluni Ajoquserneq pillugu Sullissivik 2011-ip ingerlanerani Nuummi Imaneq 18-mi ininut nutaanut nutsissaaq. Tamatuma tungaanut Sulisilluni Ajoquserneq pillugu Sullissivik Pukuffik B-3506 –imi attavigineqarsinnavoq. 

Kalaallit Nunaanni sulisilluni ajoqusernermut inatsit nutaaq paasisaqarfiginerorusukkukku nittartagaq: www.cfa.gl alakkaruk.

Paasissutissanik sukumiinerusunik pissarsivissat
Sullissivimmi qullersaq Kristina Nordby-Rachlitz: oqarasuaataata normua +299 586474
Tusagassiinermi qullersaq Birgitte Lyhne, Arbejdsskadestyrelsen oqarasuaataata normua 26 97 15 32