Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Qarasasiakkut akiliiffissaq kalaallisut qallunaatullu oqaasertalik siulleq

Kalaallit Nunaanni suliffeqarfinnit siullersaalluni Arbejdsskadestyrelse-p kalaallisut qallunaatullu oqaasertalimmik qarasaasiaq atorlugu akileeriaaseqalersinnaaneq sulissutigaa. Aalisartut, piniartut savaatillillu qarasaasiakkut internet atorlugu imminnut sulisuminnullu ataatsimoorussamik sillimaserniartut, oqaatsit atorusunnerusatik toqqarlugit sillimmasiissummik pisiniarsinnaalernissaat tamatuma kingunerissavaa.

” Kalaallisut qallunaatullu oqaasertalinnik akileeriaaseqarnikkut Kalaallit Nunaanni aalisarnermi, piniarnermi savaateqarnermilu sulisitsisut atorfissaqartitaannik kiffartuussinnaalernissaat  nuannaarutigeqaara. Arbejdsskadestyrelse-p maani Kalaallit Nunaanni Sulisillutik Ajoqusertunik Sullissivia, Kalaallit Nunaanni sulisillutik ajoqusertunik sullissinermi ingerlatsinikkut pitsaasumik kinguneqartitsilluartumillu inississimanera takusinnaallugu nuannerpoq,” Arbejdsskadestyrelsep pisortaa Anne Lind Madsen oqarpoq.

Anne Lind Madsen suliffeqarnermullu ministeeriaqarfiup pisortaa Bo Smidt maanna Nuummiipput, sisamanngorpat sulisilluni ajoquserneq pillugu seminareqarnissami tamatumalu kingorna ilasseqatigiinnissami qaaqqusisuullutik. Januaarip 1-ani 2011 Kalaallit Nunaanni sulisilluni ajoquserneq pillugu nutaamik inatsiseqalernera, Kalaallit Nunaannilu sulisilluni ajoqusertunik sullissinerup Arbejdsskadestyrelse-mit tiguneqarnera, taamaasiornermut patsisaapput.

Seminareqarneq, Kalaallit Nunaanni sulisilluni ajoquserneq pillugu inatsimmut nutaamut tunngasoq, pissaaq Hotel Hans Egede-mi sisamanngorneq 17. marts nal. 12.30-miit 14.30-mut ilassinninnertaalu pissalluni nal. 15.00-imiit 17.00-mut.

Kalaallit Nunaanni sulisilluni ajoquserneq pillugu inatsit nutaaq nittartakkakkut www.cfa.gl paasisassarsiorfigiuk, ataatsimoortunullu sillimmasiineq nittartagaq www.gruppeforsikring.gl aqqutigalugu paasisassarsiorfigiuk.

Sulisillutik Ajoqusertunik Sullissivimmiit nutaarsiassanik pisartagaqarniarlutit cfa.gl aqqutigalugu nalunaarsinnaavutit. 


Paasissutissat allat pissarsiarinissaannut, seminareqarnissamut ilassinninnermilu peqataanissamut nalunaarfissaq:

Pisortaq Kristina Nordby-Rachlitz qarasaasiakkut allakkasuaat knr@ask.dk imal. oqarasuaat 586474.