Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Kalaallit Nunaanni sulisut assamikkut inussamikkullu akornusernerusarput

Kalaallit Nunaanni aalisartut piniartullu sulisillutit ajoquseraangamik assamikkut inussamikkullu akornusernerusarput. Tamanna siullermeersumik Kalaallit Nunaanni sulisillutik ajoqusertut ukiumoortumik naatsorsuusiornerani takuneqarsinnaavoq.

Naatsorsuutini takuneqarsinnaavoq, qanoq erseqqitsigisoq aalisarnermik piniarnermillu inuussutissarsiornerup immikkuullarissup taakkuninngalu attuumassutilinnik suliaqarnerup kingunerisaanik ajoqusernernik amerlanerusunik nalunaarutiginnittoqartarnera taamatulli nalunaarutigineqartunik akuersisoqartarnera. Kilernerit aammalu pilluttuungajannerit, pillutoornerit, nukkilisitsinerillu nalunaarutigineqartut aammalu akuerineqartut procentinngorlugit katillugit 40 %-init amerlanerupput. Assakkut inussakkullu ajoqusertoqarnerusarpoq. Aammattaaq Qaalunaat Nunaannut naleqqiullugu nunatsinni niaqqukkut ajoqusernerit amerlanerullutik.

Inuussutissaarsiornermik patsiseqartumik nappaatigilikkat nalunaarutigineqartut akornanni illup iluata silaannalunnerata kingunerisaanik / anersaatuutit ameraasaatigut ippinniuteqarlerluni nappaateqalernerit 2011 nalunaarutigineqartuniit  56,5 %-iusimapput. Taamatut kisitsisip qaffariaateqarujussuarsimaneranut pissutaavoq suliffeqarfimmi aalajangersimasumi immikkorluinnaq pisoqarsimanera. Taakkua saniatigut pingaartumik aamma tallitigut aammalu qitikkut nappaateqalernerit nalunaarutigineqartarlutik.

2011-imi katillugit ajoqusernerit 487-it nalunaarutigineqarsimapput aammalu 161-it inuussutissarsiornermi nappaatigilikkatut nalunaarutigineqarsimallutik. Qallunaat Nunaaanni ukiumi tassani ajoqusernerit nalunaarutigineqarsimapput 19.329-it aammalu ionuussutissarsiornermi nappaatigilikkatut nalunaarutigineqarsimallutik 18.270-it. Maluginiarneqassaarli Kalaallit Nunaanni nalunaarutiginninnerit innuttaasut 55.000-iuneri aallaavigalugit naatsorsorneqarmata.



Takuk KissitsisitPassissutissanik allannik perusukkuit uunga attaveqarsinnaavutit:
Kristina Nordby-Rachlitz +299 539452