Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Innutaasut maanna sulisilluni ajoquserneq pillugu suliaq qarasaasiakkut takusinnaalerpaat

Innutaasut maanna sulisilluni ajoquserneq pillugu suliaq qarasaasiakkut takusinnaalerpaat

Kalaallit Nunaanni oqartusaasut siullersaattut Sulisilluni Ajoqusernerit pillugit Sullissiviup digitaalikkut kiffartuussivik ”Suliaq Takujuk” neqeroorutigaat, taanna aqqutigalugu innuttaasut suliat imminnut tunngasut kalaallisuunngortinneqartut takusinnaalermatigit.

Sulisillutik Ajoqusernerit pillugit Sullissiviup Nuummiittup pisortaa Kristina Nordby Rachlitzip digitalimik periarfissaq nutaaq oqaluttuaraa.

”Maannamut ammasumik qallunaatut neqeroorutigisartagarput kalaallisuunngortinneqarmat nuannaarutigeqaarput. Ajoqusertup sulisilluni ajoqusernini pillugu suliap allornikkaarlugu malinnaaviginissaa periarfissarilerpaa, nakorsat immikkut ilisimasallit nalunaarusiaat suliamilu paasissutissat allat atuarsinnaalerlugit, suliallu suliarineqarnerata ingerlaarnera  toqqissisimanariuassallugu.” oqarpoq Kristina Nordby Rachlitz.

 

Innuttaasut kalaallit maanna suliap imminnut tunngasup oqaatsit paasilluarsinnaanerusatik atorlugit malinnaavigisinnaanngornera t Arbejdsskadestyrelsep pisortaanerata Anne-Marie Rasmussenip tulluusimaarutigaa

”Inuiaat iluanni digitaliserinerulernerup annertusiartornera tamanit ilisimaneqarpoq. Taamaattumik Arbejdsskadestyrelse innuttaasut qarasaasiakkut suliap imminnut tunngasup paasisimasaqarfiginissaa ukiut arlallit ingerlaneranni neqeroorutigereerpaa. Tamatumuuna innuttaasunut ataasiakkaanut tamanna toqqissisimanarnerulersinnaavoq paasiuminarnerullunilu, taamaalillutillu suliap ingerlanneqarnera angerlarsimaffimminninngaanniit malinnaavigisinnaallugu. Taamaammat aamma pissusissamisoorluinnarpoq sullissinermik taamaattumik kalaallisut atuarneqarsinnaasumik neqerooruteqarutta, tamanna naalagaaffeqatigiinnerup iluani innuttaasut namminneq oqaatsitik atorlugit suliat imminnut tunngasut malinnaaffigisinnaalernissaannut pingaaruteqaarmat,” oqarpoq Anne-Marie Rasmussen, Arbejdsskadestyrelsemi pisortaaneq.

.

”Suliaq Takujuk”-ip innuttaasut sulisillutik ajoqusernertik pillugu suliap pitsaanerusumik malinnaaffigilernissaanut periarfissinneqarput, tassa ataqatigiimmik aaqqissuussineq ulloq unnuarlu akunnerni 24-ni iserfigineqarsinnaammat. Ajoqusertup suliaq imminut tunngasoq eqqissilluni misissorsinnaaguniut pineqartup nammineerluni paasissutissat amigaatigineqarsorisani Sulisilluni Ajoqusernerit pillugit Sullissivimmut nammineerluni nassiussinnaavai. Tamanna annertunerusumik kiffaanngissuseqartitsilerput, tamatumunngalu ilanngullugu Sulisilluni Ajoqusernerit pillugit Sullissiviup sullissineri sunniuteqarnerusinnaallutik, innuttaasut internettikkut apeqquterpassuinik akissuteqarfigisinnaallugit. Sullisseriaaseq iluatsilluareersoq ”Se Sag” (”Suliaq Takuuk”) aqqutigalugu qaammammut 40.000-it iserfigineqartarpoq.

 

Kalaallit Nunaanni innuttaasut ”Suliaq Takujuk” aqqutigalugu imminut kiffartuussivik  www.cfa.gl iserfigisinnaavaat sulisillutillu ajoqusernitik pillugit suliat malinnaaffigalugit.

 

Paasissutissat:

Sulisillutik Ajoqusernerit pillugit Sullissivik Danmarkimi Arbejdsskadestyrelsep ataaniippoq Kalaallillu Nunaanni sulisillutik ajoqusernerit pillugit suliat suliarisarlugit.

 

Attavissaq:

Tusagassiornermut akisussaasoq, Peter Fleischer Rex, Mobil 58 64 74. Email: nfr@ask.dk