Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Iluliarsuit arferillu akornanni sillimmasernerit

Sulisilluni Ajoqusernerit pillugit Sullissiviup ajoqusertut sukkasuumik taarsiivigineqarnissaat

isumannaatsumillu pisortaniit ikiorneqarunnaarneqarnissaat peqataaffigissavaa

ajoqusertullu pingaarutilimmik inuuneqaqqilerlutik sulileqqinnissaat peqataaffigalugu.

Aalisartut piniartullu pingaaruteqarput namminersortutut inuussutissarsiortuugamik,

taamaalillutillu pissusissatut sulisillutik ajoqusernernut sillimmasersimanatik.


- Kalaallit Nunaanni aalisartut piniartullu sillimmasernissaminnut periarfissaannik

paasisitsiniaanermi anguniarnissaat annertuumik unammillerneruvoq. Sillimmasersimmanngippata

Sulisilluni Ajoqusernerit pillugit Sullissiviup ikiorsinnaanngilaat.

Taamaammat paasisitsiniaalluta aallassaagut inuiaqatigiit sapinngisamik amerlanerpaat

angujumallugit, Nuummi Sulisilluni Ajoqusernerit pillugit Sullissivimmi pisortaq

Kristina Nordby Rachlitz oqaluttuarpoq.


Piaartumik pingaarutilimmik inuuneqaqqilernissaq

Sillimmasersimanerup ajoqusertoq aningaasaqarnerup tungaatigut napparsimanerata

nalaani isumannaarsinnaavaa. Tamatuma piaartumik pingaarutilimmik inuuneqaqqilernissamut

suleqqilernissamullu toqqissisimanartumik ajunnginnerpaamillu

tunngavissaqalersissinnaavaa.


- Sulisilluni ajoqusernerup kingunerisaanik isumaginninnerup iluaniit qimagunnissaq

aningaasaatigullu ajornartorsiuteqarunnaarnissaq sukkasuumik eqqortumillu suliamik

ingerlatsinerup amerlanertigut kiingunerisarpaa. Ajoqusertup pisortaniit

ikiorneqarnissaminut nalorninartorsiornermulluunniit uniinnarnissaa piniartunut

ataasiakkaanut inuiaqatigiinnulluunniit paasiuminaassinnaavoq, Kristina Nordby-

Rachlitz nangilluni oqarpoq.


Sillimasersimaneq toqqissisimanerusumik inuuneqalersitsisarpoq aalisartoq ilaqutariillu

pilersuisuat sulisilluni ajoqusernernut isumannaarsimappat. Taamaattumik Sulisilluni

Ajoqusernerit pillugit Sullissivik 8. septemberimiit 19. septemberip tungaanut

paasissitsiniaalluni aallarniarpoq. Angalanermi ilaassaaq nakorsaq immikkut ilisimasalik

Niels Ebbehøj, taassumalu sulinermik patsiseqarunartumik nappaatillit

misissussavai. Sulisilluni Ajoqusernerit pillugit Sullissivimmi suilisut angallammut

Kisaq-mut ilaallutik Avannaani illoqarfiit nunaqarfiillu 19-it angullugit angalassapput.

Tamanna atuagassiami Tamanut-mi nalunaarutigineqarpoq, assiliarsuillu tikiffissat

ulluinik piffissanillu takussutissiisut piffinni ataasiakkaani nivinngarneqarput.


Annertunerusumik paasissutissat:

Attavissaq: Kristina Nordby-Rachlitz, Kalaallit Nunaanni Sulisilluni Ajoqusernerit

pillugit Sullissivik. Tlv. +299 53 94 52


Angalinissaq pillugu paasissutissat pillugit Peter Fleischer Rex Tlf. +299 58 64 74-

imut attavigineqarsinnaavoq.

6. september 2013