Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Ajoqusernerit angutinit nalunaarutigineqartut arnat nalunaarutiginninnerisa marloriaatingajaannik amerlanerupput

Sulisilluni Ajoqusernerit pillugit Sullissiviup 2012-imi sulisillutik ajoqusernerit pillugit
kisitsisit atorlugit nassuiaammik saqqummiivoq, taassumalu ilaatigut takutippaa
angutit sulisillutik ajoqusertut arnat ajoqusertut marloriaatingajaanik amerlanerusut
ajoqusernermik nalaataqartartut.

Kalaallit Nunaanni pisut ataasiakkaat sulisilluni ajoqusernerit pillugit kisitsisit atorlugit
nassuiaasiornerup annertuumik nikerarnerit takutippaat, angutilli sulisillutik ajoquserneri
arnat ajoqusertarneriniit malunnaatilimmik amerlanerussuteqarput.

- Tamatuma erseqqissumik takutinngilaa sooq angutit ajoqusertarneri arnat ajoqusertarneriniit
marloriaammik amerlanerussuteqarnersut, imaassinnaavorli assigiinnik suliaqarfinni
suiaassutsip agguataarneqanera apeqqutaasartoq, taama oqarpoq Nuummi
Sulisilluni Ajoqusernerit pillugit Sullissivimmi pisortaq Kristina Nordby Raclitz.

Ajoqusernerit 2012-imi sulisilluni ajoqusernertut akuersaarneqartut 68 procentingajaat
angutinut tunngasuupput. 2012-imi suliat 742-t aallartinneqarput, taakkunannga ajoqusernerit
587-it sulinermillu patsiseqartumik nappaatigilikkat 155-iullutik. Sulisilluni
Ajoqusernerit pillugit Sullissiviup Kallit Nunaanni suliat katillugit 823-t naammassivai,
taakkunannga ajoqusernerit 652-it sulinermillu patsiseqartumik nappaatigilikkat pillugit
suliat naammassillugit. Tassa imaappoq sulisilluni ajoqusernerit pillugit suliat
naammassineqartut aallartinneqartuniit amerlanerusut.

- 2012-imi suliat nalunaarutigineqartut amerlagaluaqisut, sulinermi suleriaaseq sunniuteqarluartumik
ingerlavoq, sulisut amerlanerupput Arbejdsskadestyrelsellu sullissinermi
ataqatigiimmik aaqqissuunneqarnerata suliat suliarineqarnerinut piffissaq ukiut marluk
ingerlanerini affaannanngortissimavai, Kristina Nordby Rachlitz nangilluni oqarpoq.

Ajoqusernerit nalunaarutigineqartut akuerineqartullu nalinginnaanerit tassaapput kilernerit
imaluunniit ajoqusernermi orlunerit nakkarnerillu aammalu pillutsitsinerit/
ulortoornerit/nukkilisitsinerit 2012-imi ajoqusernerit 35%-imiit annertunerupput piniarnermi,
aalisarnermi taakkununngalu tunngatillugu tunisassiornermi.

Tamakku saniatigut puatsigut ammikkullu nappaatit sulinermik patsiseqartumik nappaatigilikkat
pillugit suliat aallartinneqartut amerlangaatsiartut katinnerisa puakkut
ammikkullu nappaatit 13 %-eraat. Tamanna annerusumik pivoq suliffeqarfimmi ataatsimi
arlalinnik sulisoqartumi.

Kalaallit Nunaanni ukiumoortumik kisitsisit atorlugit nassuiaasiorneq takuuk:

Annertunerusumik paasissutissat:
- Kristina Nordby Rachlitz, Kalaallit Nunaanni Sulisilluni Ajoqusernerit pillugit Sullissivik:
+299 539452