Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Sulisilluni ajoqusernerit pillugit sulianik sullissinerup ingerlanerini affaannanngorpoq

 Nalunaarusiami takuneqarsinnaavoq sulisilluni ajoqusernerit pillugit sulianik sullissineq 2010-mi ullut 398,6-iniit 2012-imi ullunut 194,8-nut appariaateqarsimasut. CfA-p pisortaa Kristina Nordby Rachlitzip ineriartortitsineq ima tunngaveqartippaa – ”Sullissinerit naammassiuminarsagaaneri Danmarkimilu Arbejdsskadestyrelsip sullisseriaasaata atorneqalernerata sullissinermi piffissarineqartoq malunnaatilimmik appariaateqartippaa.”

Naammassiuminarsagaanerup kalaallinut inuiaqatigiinnut iluaqutaanissaa Kristina Nordby Rachlitzip pisussat marluk aallaavigalugit ima nassuiarpaa – ”Siullertut, sullissinerup sukkasuup taartisiassanik taarsiivigineqarnissamilluunniit kinguneqarsinnaasup ajoqusertup toqqissisimasumik suliffimminut piaartumik uteqqinnissaanik kinguneqassaaq. Aappaattut, ajoqusertup piaarnerpaamik suliffeqarfeqarfimmut uteqqinnissaa inuiaqatigiit aningaasaqarniarnerannut iluaqutaassaaq.

Nuummi CfA arfinilinnik sulisoqarpoq ataatsimillu pisortaqarluni. Sulisut affai kalaallisut oqaaseqarput. CfA-p Kalaallit Nunaanni sulisillutik ajoqusernerit pillugit suliat tamaasa suliarisarpai, Danmarkimili Arbejdsskadestyrelsimut atalluni. Tamatuma aamma kingunerisaanik Kalaallit Nunaanni suliassanut pikkorissuseq ajornaatsumillu sulianik ingerlatsineq Danmarkimi sullissinertulli ingerlanneqarput.