Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Taarsiissutisiassat soraarnerussuteqalernissap tungaanut tunniunneqartassapput

Tamatumunnga peqqutaavoq Kalaallit Nunaanni soraarninngornissamut ukiut 65-iniit 66-inut aamma 67-inut qaffatsinneqarmata.

Kalaallit Nunaanni soraarninngornissap qaffanneqarnera isumaqarpoq, inuit 1952-imi kingusinnerusukkulluunniit inuusimasut qaammatikkaartumik taarsiissutisiassaat sivitsorneqassasut, imaluunniit immikkut ataasiaannartumik taarsiissutisiassat tunniunneqassasut.

Kalaallit Nunaanni soraarninngornissamut ukiut qaffanneqarnerat aamma pisinnaatitsivoq, siunissami katsorsartinnerit atortorissaarutinullu aalajangersimasunut aningaasartuutinut mattussusiinissamik.

Qanoq iliussavit?

Iillit inuussutissarsiorsinnaassutsimik annaasaqarninnut taarsiissutisiassat sivitsorneqarnissaannut nammineq iliuuseqassanngilatit. Arbejdsmarkedets Erhvervssygdomssikringip suliat tamatumunnga attuumassuteqartut qaqissavai inuillu taakkununnga attuumassuteqartut attavigalugit.

Siusinnerusukkut taarsiissutisiassanik ataatsikkukt ataasiaannartumik pisimaguit

Siornatigut taarsiissutisiassatit qaammatikkaartumik pisarsimagukkit qanoq annertutigisumik taarsiissutisiassatit ilaneqassanersut pillugit Sulisilluni Ajoqusernerit pillugit Sullissivimmiit aalajangiinermik nassinneqarumaarputit.

Tamatuma kingorna sulisitsisuit sillimmassisarfiata imaluunniit Arbejdsmarkedets Erhvervsikring aningaasat tunniutissavaat.

Qaammatikkaartumik taarsiivigineqartarsimagui

Qaamatikkaartumik taarsiissutinik pisarsimaguit, soraarninngornissap nutaanngornera 66-inut imaluunniit 67-inut ukioqalernermi sivitsuutit pillugit Sulisilluni Ajoqusernernut Sullissivimmiit allagarsissaatit.

Tamatuma kingorna sulisitsisuit sillimmassisarfiata imaluunniit Arbejdsmarkedets Erhvervsikring aningaasat automatiskimik tunniutissavaat.

Tamanna kikkunnut sunniuteqassava?

Inuit 1. januar 1952-imi imaluunniit kingusinnerusukkut inuusimasut taarsiissutisiassaasa tunniunneqartarnissaasa sivitsorneqarnissaanik ilaatinneqassapput.

Piumasaqaataavoq sulisillutit ajoqusersimanerpit imaluunniit sulinermik patsiseqartumik nappaateqalersimanerpit 1. januar 2009-mi imaluunniit kingusinnerusukkut nalunaarutigineqarsimanissaa. Aamma inuussutissarsiornermik annaasaqarnermut ataatsikkut ataasiaannartumik taarsiivigineqarsimassaatit imaluunniit qaammatikkaartumik taarsiissutisiassat pisimassavatit.

Siusinnerusukkut ataasiaannartumik taarsiissutisisimaguit, katsorsartinnermut imaluunniit atortorissaarutinut ataavartumik aningaasartuuteqarsimaguit, taarsiissutisiassanik annertunerusunik aamma pisinnaavutit. Taamatut pisoqarsimappat nammineerlutit sulisitsisuit sillimmasiisarfia imaluunniit Arbejdmarkedets Erhvervssygdomssikring attavigissavat ataatsikkullu ataasiaannartumik saniatigut tunineqarnissat piumallugu.