Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

”Akunnitsinni sapiitsuliortut nikalloriasaaraangata”

Sulisilluni Ajoqusernerit pillugit Sullissivik 2015-imi sulinermi nappaatigilikkanik (piffissap sivisuup iingerlanerani artukkinneqarnermi) tarnikkut akornutigilikkanik 23-nik tigusaqarpoq. Tamanna sulinermi nappaatigilikkat nalunaarutigineqartartut katillugit 15 %-it missaanniiput.
Tamatumunnga assersuutigalugu Danmarkimi sulinermi nappaatigilikkat 27 %-ii tarnikkut akornutigilikkatut nalunaarutigineqartarput.
Imaappoq Kalaallit Nunaanni allarujussuarmik ajornartorsiuteqarpugut: inuussutissarsiornermi tarnikkut nappaatigilikkanik nalunaaruteqartoqarpiarneq ajorpoq.

Taamaattumik Sulisilluni Ajoqusernerit pillugit Sullissiviup pisortaata Kristina Nordby-p pasitsaappaa,
nalunaarutigineqartunut tunngatillugu suliat amerlanerujussuusinnaasut, soorlu assersuutigalugu nakuuserfigineqarnerit siorasaartinnerillu,
ingasammik peqqinnissaqarfimmi, ulloq unnuarlu angerlarsimaffinni politeeqarfinnilu:

”Kalaallit Nunatsinni inuit suliffinni ulorianarnerpaani sulisut ilisimasagut aamma sulinermi nappaatigilikkat nalunaarutigineqartartut imminnut ataqatigiinneri
 ilisimagaanni, taava sulisut taakku piffissap sivisuup ingerlanerini artukkinneqartarsimasut nalunaaruteqarneq ajorsimassapput. Tamanna ajuusaarnarpoq, tassa ajoqusertut taarsiivigineqarnissartik pinngitsoorsinnaammassuk.”  Kristina Nordby oqarpoq.