Cfa.gl-imiit cookies-inik akuersineq

Cfa.gl –p cookies-it siunertarisanut arlalinnut atorpai – soorlu assersuutigalugu atuisut nittartakkatsinni nalaattagaasa pigsanngorsarnissaannut.

 

Ullormusiat

Sulisillutit ajutoornikkut suleqqissinnaajunnaaruit ullormusiaqarsinnaatitaavutit.

Ullormusiat nal. ak. sulinngiffeqarallarnermi ikiorsiissutinut naligitinneqartoq naapertorlugu ullut 14-ikkaarlugit kingumoortumik tunniunneqartarput.

Aningaasat pisassavit naatsorsorneqarnerat sap.ak 13 kingulliit sapaatip akunneranut agguaqatigiissillugit nal. ak. suliffigisimasannik tunngaveqarpoq. Sapaatip akunneranut agguaqatigiissillugit nal. ak. suliffigisimasat 40 qaangernagit 20-illu ataassimassanngilaat.

Ullormusiaqartitaaneq
Ullormusiaqarsinnaatitaanermut sulisillutit ajoqusersimaninnut nakorsap allagartaliilluni uppernarsaanissaa piumasaqaataavoq.

Sulisilluni ajutoornikkut ajoqutigiualikkanut taarsiiffigitinneq
Sulisillutit ajutoornerit peqqissutsikkut ajoqutigiualerukku- imal. sulisillutit ajoqusernikkut ajoqutigiualikkannut- taarsiiffigitissinnaavutit. Ajoqutigiualikkanik naliliinermi tabeli nakorsaanerullu immikkut ilisimasallip uppernarsaataa tunngavigalugit, taarsiissutissaq naatsorsorneqartarpoq.

Sulisillutit ajutoornikkut inuussutissarsiorsinnaanerit annikillisimappat imal. inuussutissarsiorninnut atatillugu nappaateqalersimaguit taarsiiffigitinnissaq pisinnaatitaaffigaat. Taarsiissutissat ukiumut isertitatit- sulisillutillu ajoqusersimanngikkaluaruit qanoq isertitaqartigisinnaanerpit naliliiviginera tunngavigalugit naatsorsorneqartarput. Ataatsimoortunut sillimmasiisarfimmut ilaaguit ukiumut isertitat pillugit immikkut maleruagassaqarpoq.

Qupperneq una kingullermik nutarterneqarpoq 28. januaarip 2016